回家湘

營業中

休息中

今日經過佐敦先知道原來吳松街開咗一間雙菜，睇落入邊都相當企理同光猛，我又好耐冇食過湘菜喎，就同朋友決定入嚟，本來朋友話有少少唔舒服，所以唔好叫咁多辣嘢，但係我又好想食喎，所以最後就揀咗要剁椒小芋頭，其他都要咗唔辣嘅。剁椒小芋頭完全係我鍾意食嘅，芋頭夠軟糯，加埋辣油好正！另外我將鮮菌手工腐竹皮都沾埋剁椒小芋頭嘅辣油，超下飯。朋友就話直接食都好夠味。另外我朋友介紹咗我食一種我未食過嘅菜，叫做紅菜薹，佢味道有啲似菜心，但係更加甜，我都幾鍾意食，另外就叫咗一個龍骨野藕湯，超多蓮藕，而且好暖胃，天氣咁凍飲就啱晒。