有緣小敍

營業中

休息中

今日約咗朋友一齊去渡船角附近呢間專食陝西菜嘅"有緣小敘"去辣一辣!對上一次來幫襯差不多一年有多了，因為附近嘅店舖經常都會更新，一場嚟到都有啲擔心唔知仲有冇開，結果冇令我哋失望！汰弱留強係自然定理，希望呢間地道又好味，價錢公道嘅小店可以多些人支持！酸辣土豆絲，這道菜食得出廚房好有功夫，土豆絲剛剛熟及非常爽口， 配上酸酸辣辣味道 餐前小食一流！麻辣土豆粉，麻辣湯底真係會令到你嘴唇發麻，非常刺激！土豆粉份量不算太多，但湯底配菜十足，例如榨菜，碎肉等等……的而且確很惹味！呢個辣子雞，我每次來必點，今次人少少只點了半隻。雞件生炸得金脆連骨都可以食埋！辣子雞一點也不油膩，很乾身，入口沾滿避風塘蒜香味道！店舖地方不算大，服務也只是一般，但食物確實令人再三回味！希望大家都可以支持一些好食嘅小店，令我哋繼續有多些選擇！