我愛慢煮 (孖沙街) (已結業)

好鍾意行上環，更鍾意上環嘅嘢食，因為質素好而且價錢貼地啲。今日去咗呢間好有良心嘅慢煮餐廳，之前其實已經試過佢第2間分店，今次主要係想再食佢個大啡菇😝。先講裝修，好有工業風，燈光配合得好好，成個感覺好適合chill住傾計。頭盤我哋叫咗牛油果沙律，新鮮爽脆，重點係落牛油果一啲都唔孤寒，食極都仲有，好正。我哋仲叫咗芝士溫泉蛋大啡菇，其實嘢食加芝士就一定無死，但佢哋嘅大啡菇真係好出色，芝士香，溫泉蛋煮得啱啱好，係流心😍，大啡菇好juicy又唔會「水lai lai」，係我食過最好食嘅一道菜式！再一次盛讚😍👍🏻鴨髀都係多人叫嘅菜式，不過可能個大啡菇太出色，依道菜我覺得都唔錯，性價比高，但無大啡菇咁驚喜。😝主菜我哋叫咗件牛扒，同樣出色，熟得啱啱好，有牛香而好juicy，個人覺得係因為慢煮，所以先做到依個texture👍🏻最後仲叫咗兩盤超級抵食嘅焗嘢，焗菠菜同焗通心粉，一樣啦，火喉控制得好好，唔會焗得太耐，芝士又香又濃，性價比極極極高！個通心粉仲要好煙韌🤤👍🏻👍🏻👍🏻👍🏻總括嚟講，食物極正，價錢極貼地，裝修正，又有良心！💛👍🏻