泰國BBQ

營業中

休息中

以前係ive 讀書時已經係度食，依家係度住啦當然都成日係度食，點知早排得知轉左手，咁就梗係要黎試下有冇差左，今日lunch就一家五口黎食，我叫左個泰式豬手飯，我老公叫左個海南雞飯，我2個女就叫左碗魚旦河，另加2串燒雞肉腸，1串燒雞腎，1串燒豬頸肉。先講個豬手飯豬手夠淋夠入味，仲好多件Tim,有幾條菜墊底仲有一堆雪菜，好好味，豬手夠多，真係唔錯，呢個係轉手前冇嘅。海南雞同之前差不多，個飯都好香好入味，雞好嫩，同埋會送一個湯 但個湯就好重味精味。燒雞腎：有少少硬身，比較難咬但都好香，上面仲有香茅Tim.燒豬頸肉都好香但一樣比難咬開。珍多冰好香椰汁味，不錯整體黎講都同以前差不多，係價錢加左少少，之後仲可以再黎食。