韓舍 (已結業)

以前都黎過韓燒，上網睇到而家轉左火鍋估佢唔到，哈哈，仲好！我最鐘意打邊爐架啦一黎到，原來連環境都裝修埋，幾舒服，Book左六點黎到，安排左二人檯，側旁有個木架比你放野食的我地加左20蚊要刺身壽司好抵呀三文魚切得都唔薄架，仲好新鮮叫左幾次黎食象拔片好爽，好正湯底要左麻辣同蕃茄，店員會問你想個煲，邊個湯底放中間，邊個放出面的麻辣係唔辣既有幾舊鴨血甘，我朋友唔食得辣都話無乜Feel,完全食得無問題，其實佢真係要改良下個麻辣湯蕃茄湯都幾濃，幾好味哈哈！！出面有熟食，甜品呀之類，熟食就真係一般般了，唔係甘岩食打邊爐既款式都OK啦，基本上都係平時果D芝士腸好味呀，而牛肉，羊肉，豬肉就擺晒係到一碟碟甘自已拎好似仲見到後面個店員係到即刨的甜品就唔見上網話果隻狗仔甜品既其他甜品款式都幾多，成晚食到好飽其實打邊爐得2小時真係好少，基本要兩個半鐘就最好！兩個鐘真係太趕好準時叫我地離開埋單有85折，$377 另外呢到座滿晒人，但環境都唔太嘈，幾舒適！