凱逸餐室

營業中

休息中

今日覆完診，夜晚約左朋友食晚飯聚下，突然想食啲家常小菜，所以就嚟附近試下呢間餐室。我地嗌左兩個餸share食，一個餸會跟一個湯一個飯。今晚係青紅蘿蔔湯，都好夠味，睇嚟都好煲左好耐，最緊要火冇味精。而佢呢度啲白飯都好大碗。入正題，講下啲餸先。我地嗌左個咕嚕肉，佢啲咕嚕肉酸酸甜甜都幾開胃，啲菠蘿都好好食，只係略嫌有幾舊炸粉厚左小小。而另一個就揀左通菜蝦醬炒鮮魷，個蝦醬同通菜永遠都係最夾，而且佢落得岩岩好，夠味得嚟唔會太咸。只係鮮魷可能因為係冰鮮嘅關係冇乜味，而都可能冇醃過，所以唔太夠味。整體嚟講，呢個時勢，出街食飯都係差唔多呢啲價錢，所以我覺得還可以。