一樂小鍋 (已結業)

今日同隻佬入左石門探個朋友，佢新居入伙，諗住周圍行下再上佢屋企，我地行左去工業區果邊，有兩個商廈都好多野食同行下！雖然個場有少少深圳 feel，但冷氣夠同埋條路都闊，算好行！我地搵左一樂食晏，座位算小店，應該廿人左右！我地選左個卡位住4，都樂舒服！好鬼餓，樣樣野都想食，填填下叫左4樣野 🤣 呢碗我既，叫左 花膠、豬大腸、牛腩、生菜 泉水烏冬配牛腩湯，個花膠我估唔到咁大塊，好淋身同入味 👍🏻 豬大腸鹵水勁入味，牛腩又夠淋！正呀！本來諗住泉水烏冬有少少伏，本人好驚一包正方形既烏冬...街外唔多敢叫！但今日好想食，好在唔伏，仲好彈牙，雖然我知佢唔係稻亭，但都好正！隻佬叫左羅白、牛脷、酸齋配淮山麵加秘製醬汁（中辣），隻佬話唔夠辣！我地試枱面既醬汁，好驚喜呀！成件事提升左，有少少辣，但加左真係好味左！我偷左舊 酸齋，要壇一壇，太酸！之後我地加左個小食，咖哩玻璃尤魚，我地冇諗到係冷盤，但我地覺得又有道理！因為呢隻尤魚老左會咬唔開！冷盤係好合理，又係勁入味！真係唔錯！唔會死咸好爽脆！