一樂小鍋 (已結業)

橫風橫雨的假期，瞓到自然醒，決定去就近簡簡單單食碗麵。餐牌有呢張，價目分明，自由配搭。當中不乏特色野，例如牛脷、牛爽、花膠、酸齋、蒸餃等等，唔係周圍有得食，價錢亦唔係貴噃。我點左三餸車仔麵，連汽水五十蚊有交易。叫左牛爽肉，第一次食，食落好香牛油味，似牛舌，但口感更爽更彈，正的！咖哩魷魚夠彈牙又夠多；蘿蔔好入味，吸收曬湯底精華，呢點十分重要架！麵底揀左淮山麵，健康野，食落口感似公仔麵，不妨試試。朋友就叫左金錢肚、魚腐同金菇。佢讚魚腐好出色，十級索湯；而金錢肚亦全部係靚位置，夠淋好味。佢叫左菠菜麵，佢話好好食。原來 2:15 後仲有 tea set, 最平$19 有交易，下次會試。