一家

營業中

休息中

荃豐舖位細但容納唔少自家餐廳，每次去好似尋寶咁。原定係食另一間叫和食快餐，但行街等人路經此店，睇到外面裝潢新穎，裡頭乾淨企理，咁細嘅舖位但個廚房設備一點都唔馬虎，落足本搞廚房，自然對呢間新開餐廳有了信心。友人到步，左望右望，俾佢個意粉菜色吸引左，最後大家就抱住試下心態，叫了個鮮牛肉芥末焗意粉同芝士無骨豬扒焗意粉，大概每碟70蚊連埋餐湯同飲品。一般黎講，焗意粉中伏機會遠超焗飯，意粉受熱快又易淋，焗耐少少都發漲。焗意粉上枱，好香好鮮，用叉撩起意粉，嘩！驚喜個意粉焗得剛剛好，咬落仲係爽口！由法式芥末醬汁配鮮牛肉，好食！以70蚊一個餐黎講，好抵食！值得一試！至於無骨豬扒焗意粉，豬扒略厭偏咸，味道一般，下次可以試其他。而是晚餐湯係雜菜湯，飲落都不過不失。整體來說，70蚊有餐湯、高水準焗意粉同一杯飲品，呢個聚餐同拍拖食飯去得過。