Sky726

星期一返工咁辛苦梗係要搵啲好嘢食吓 碌碌吓見到呢間好多人讚 就同朋友嚟試吓佢啦😎首先入到嚟 雖然只係十一月尾 但已經佈置得好有聖誕氣氛餐廳喺大廈嘅頂樓，我哋被安排喺窗邊坐，可以望到夜晚嘅旺角 非常不錯👍🏻一打開餐牌就見到生蠔有抵食嘅set, 加多少少錢仲送兩杯白酒！當然叫埋啦🤟🏻一set有半打生蠔，全部都好鮮甜好好食，配埋甜甜地嘅白酒真係一絕食完生蠔冇幾耐就有呢個蘑菇意大利飯，平時食意大利飯最怕煮到太淋太糊，呢個意大利飯軟硬度適中，啲雜菇撈埋啲芝士成個飯都好香，值得一試🤤食完意大利飯就上咗慢煮牛柳，可能因為慢煮嘅關係生熟度控制得幾好，唔會過熟，牛嘅兩面煎得好香，又唔會太韌，值得一試👍🏻