永記潮州粉麵

營業中

休息中

友人喜歡潮洲風味，於是推介來吃碗粉。是日星期六中下午，小店在街旁有條人龍排住隊等。舖面面積不大，店外仲有兩枱坐外面。有人我會喺你等待時幫你落單。那天仲見到周中師傅食完走🤭店既麵分大中小標價。我叫了牛腩河，友人就叫了豬潤河, 都是中size 。一路等待時都見好多人叫豬內臟，但本人唔食內臟，所以唔會知道有幾好吧🤭粉有一堆芹菜，好在夾埋落個湯係冇搶味。個湯係幾清，味道有肉香又不太咸太油。友人有讚豬潤好食。個人認為牛腩都不錯，是肉感和具咬口那種，不是綿綿的。小店雖細，又冇乜環境裝修可言，但踏實食潮式粉麵，係唔錯架。