永記潮州粉麵

營業中

休息中

位於西營盤修打蘭街既永記潮州粉麵，馳名豬什，同正街潮州人係姊妹店，今日有機會嚟翻啅，真是開心。早午餐時段到店，唔使排隊，但都要搭枱，點了碗豬什牛肉米，大大碗的，餸多米粉都多，$44蚊好抵食。牛肉得嗰幾小片，豬什就種類很多，唔碎有咬口。米粉好爽滑，口感十分之豐富，我喜愛這種口感，湯底好味有少許胡椒味，同個米粉好夾，出色！口味：🥚🥚🥚🥚环境：🥚🥚🥚服务：🥚🥚🥚性价比：🥚🥚🥚🥚

#永記潮州粉麵 喺西營盤食豬雜粉麵，有一間老字號叫永記，鋪面唔大，經常都有好多客去食，今次決定早啲去試下。十一點幾去食諗住避開食飯時間，點知都係坐滿曬，好彩有一個位可以攝入去，嗌咗豬雜米，店員建議食中size，同雙拼一樣價錢$44。嚟到嘅時候第一時間試咗啖湯，係非常鮮甜嘅豬雜湯，並非胡椒豬骨湯，個湯好正。更加正嘅係好多芹菜碎，非常香。咁多件豬雜入面我最鍾意係豬肺，食到有少少爽口，除咗有一件腩肉比較大件，其餘豬雜都係碎上，而且比較細件，食咗都唔知。專登叫米粉索下啲湯嚟食，米粉係我鍾意食比較爽口嗰種，加咗少少辣椒油更加好味。實在太多客嚟食，會坐得比較迫，但價錢同味道都非常吸引，性價比高。唔敢想像食飯時間會有幾忙碌😅永記潮州粉麵西環西營盤修打蘭街21號地舖

食咗好多年嘅老鋪，返平晝先有機會食到，價錢都已經幾級跳，不過味道都算keep得住嘅，因為我每次食都差唔多連湯都飲埋，其他麵鋪我都未試過飲湯，呢間真係算係咁，我鐘意，我嘅食法就係夾一箸米粉係匙羹度，之後就夾豬雜／牛肉點魚露加辣油，再擺上米粉，一啖食，幾種口感一齊感受，真係好正

永記已經捧場左6.7年，水準一直keep到，大件夾抵食。就算年年加價，都冇拗撬。因為真係好食同飽。不過自從比米x定mx 食過後，再去幫襯發現份量小得可憐，以為一次半次，再第二日去食特登嗌加底，同無加一樣，連老闆娘見到，都聽到佢話加左喇？到琴日再幫襯，情況一樣，今次到送餐阿姐都話，咁就加左？但佢都無意識去幫我同廚房問下。香港地食碗麵唔飽都明，咁咪加錢囉。但加完可唔可以比返應有既野客人？唔知呢個”份量”係老闆要求定廚房自己亂嚟，如果係前者，真係會另捧場客失望

今日嚟到呢間食堂，一試佢嘅招牌潮州粉麵，真係滿足到我嘅饞嘴！首先揭底嘅豬什粉麵，真係物超所值，份量嚟講，真係得嚟不得了。豬肺滑嘟嘟嘅，凍落水夠晒有彈性；至於豬心呢，細膩得嚟又保留到啲嚼勁，順滑得滯！配料方面，魚蛋彈牙，墨魚丸鮮美搶鏡，咬落去每一啖都令人滿足。湯底幽幽地散發出潮州傳統嘅鮮香，清甜得嚟層次分明，一啖下肚，真係感到心頭一暖。無論你係粉絲，定係湯迷，一定會讚好嘅。店裡面都有提供唔少選擇，從鮮牛肉粉麵到豬潤，都係一試難以忘懷。落單又快捷，最正係食物一上枱，賣相係真係滿滿嘅誘惑，令人見到就不禁口水直流。雖然地方唔太大，但係好似我呢啲真食客，專程去嘅都係緊係食物本身。真係要讚一讚，係樸實無華但品質保證，適合嗜好潮味嘅你！🍲👍🏻💫

今日做完嘢先12點見無咩人排永記，唔使諗入去食返碗先。✨🍜鮮牛肉豬雜米$42: 之後我無在永記食鮮牛肉，所以今次意外發現鮮牛肉好鮮味、好有咬口，我覺得好食過和牛😋；豬潤都有兩片，不過薄切有啲粉，應該係啤唔夠水，如果厚切一塊爽口就更加好喇；豬雜就一啲都唔騷，仲洗得好乾淨，不過略嫌切得太細，但不影響味道✨🥢牛筋：我本來點「牛筋豬雜米」，點知嚟咗碗「鮮牛肉豬雜米」，為咗唔想嘥嘢我照食，不過阿姐話私人醒返幾條牛筋我嘆，炆得好夠冧呀👍🏻✨無啦啦食咗三餸米，好正又好飽。雖然環境真係大排檔，不過阿姐都好快手快腳😅，得呀！

十幾年前住附近, 呢度已經係食堂。10幾蚊一碗牛筋豬雜米粉多青, 食到舔舔脷, 次次一滴湯汁都冇得淨, 阿B 幫我執碗都笑晒口咁。搬咗去新界區之後好少過去, 過年過節先去買海味先會去重拾一下兒時嘅味道。食材湯底價錢當然都係今非昔比, 但有時食嘢係食情懷, 想食豬什, 我首選始終係永記。

潮州粉麵就食得多，一般既潮州粉麵都係鹼水做湯底。胡椒豬肚湯做湯底既潮州粉麵你又食過未？朋友介紹左呢間坐立於西營盤二十多年既潮州粉麵店比我，今日就去試試佢。我叫左牛肉、牛肚、牛筋同娃娃菜。麵底就要左米粉。4餸盛惠$52。一黎到緊係要試下個湯底先，湯底非常濃郁，而且係無味精。飲完唔會覺得口渴。再試下牛肉，牛肉呈粉嫩色，入口非常滑。牛肚口感都非常爽口。牛筋亦好出色，好好味。米粉更加係令人意外既出色，米粉吸收哂湯底既肉汁，每一啖都有豐富既肉味。📍永記潮州粉麵地址：香港西灣盤修打蘭街21號地下❤️價錢：10/10❤️味道:10/10❤️服務：7/10

📍永記潮州粉麵 上環西營盤修打蘭街21號地下立志食匀全香港嘅潮州豬雜粉！見到其他foodie推介，位置又夠近，一於試吓！呢間有冷氣位，同埋可以喺出面巷仔食，我排多一陣隊都要入去冷氣位😂。排緊隊已經叫你落定單，但係態度係好友善。對於粉麵配搭方面會答得好清楚👍🏻豬雜河粉（細）走青 $35豬雜包括：豬膶、豬粉腸、豬肺、豬心、豬耳、豬肚、豬大腸、豬腩肉，都幾多選擇，份量都多。但個人唔係好鍾意白烚豬腩肉，仲要勁厚切，一啖咬落去勁肥膩🥲。唔係味精湯，都唔會有其他潮州粉麵嘅重白胡椒味，但個湯真係過份清，會覺得係清水😂，食完都唔會好頸渴。佢嘅河粉都勁容易索水發脹，我已經唔係食得慢嘅人🥹，不過好處就係叫細碗都好夠飽。同埋上面啲芽菜同上碗嘢唔係好夾，芽菜都有啲豆腥味。另外，我覺得佢嘅辣椒油係死辣，冇咩香味。目前食過三間西營盤嘅潮州豬雜粉，我會咁樣排：達濠仔>潮州人>=永記。

同事推介呢間潮洲粉麵都一段時間，我都仲未食，清湯加白烚材料咁款，心諗有咩咁特別啫🤔今日要外出工作，特意早啲出去食晏，諗住食粉麵最快手，估唔到12:30已經勁多人等位😨坐低咗最少30分鐘先有嘢食！！不得讚佢哋嘅清湯底好鮮甜，飲咗幾啖湯都無起痰和口乾，相信無乜味精。仲驚白烚肉和內臟會有腥羶味，但完全無！豬腩仲有甘甜。更值得一試，久違了好吃嘅魚皮餃🤓補返句，順路經過可以一試，特登過嚟仲要戶外等20分鐘以上，自己衡量😏

喺上環返工產地食得好啲，多過$100 ，我再同四介紹我食依間，每餐$45搞掂，又唔想食得太Heavy近呢兩個月總共去咗三次，3次嘅經歷都好唔同第一次，好好彩直入第二次，叫外賣， 12:30打去，話一點拎，阿姐讚我醒第三次， 12:45去到，已經出現人龍，雖然一早入咗，但係真係要等半粒鐘先有得食次次都食$45，3個餸同河粉，個湯清清地，仲有好多好好味嘅芹菜每次食嘅餸我都唔同，嘗試晒佢我覺得最出色係大腸》魚皮餃》鮮牛肉〉牛肚》腩肉〉魚片頭以後我淨係會外賣算了

疫境退去、春天到來。是時候走在路上，深耕這滿有寶藏的區域。首先要「探望」的，就是這位「老朋友」。鄙人實在不敢自詡為這老牌小店的老朋友，但她佇立這社區良久，絕對是資深成員！這幾年來，任誰都經歷過艱辛的日子。沒有了堂食，我甚至來買生的魚皮餃，回家自煮。如今雨過天青了，再來造訪，看到大家齊齊整整，有種恍如隔世的感覺；倒是店面裝修了，象徵穿過困境後的更新和重生。我們四時三刻才到達這家五時一刻就打烊的小店，靦腆地問：「仲有冇得堂食？」爽朗的回答「有呀！坐喇！」傳遞就一份親切和感動，是的，「人・情・味」這道菜，不是到處有售的！以往在此一坐，必點一碗細雜米、一碗細牛米、並一碗淨魚皮餃，還有一碟菜。如今實行「少澱飲食」，細牛米改為淨牛肉，仍是收三十五塊。牛肉很貴，這價錢絕對是良心價！今天自備了菜，店員也沒有阻止。那就是「返屋企食飯」的感覺！先點的豬雜米到了，以「細」的份量，米粉已夠兩人「些牙」。膶、肺、心、耳、肚、粉腸、大腸、腩肉，缺了心和大腸，若有所失的感覺；但到了五點鐘，仍有六款食材，已值得感恩！豬雜可以冇心，人不可以冇！沒有粉麵墊底的牛肉，仍然具有「震懾力」的賣相。三十五元的這麼一碗，質和量都沒

If you love offals, this is the place to go: 永記潮州粉麵 (English name: Wing Kei Noodle Shop). Best known for serving offal especially pig offal. The place is old with both outdoor and indoor seating. Menu is in English and Chinese. There is no 10% service charge. You pay on your way out.Boyfriend ordered a medium size Beef and Beef Ball Noodles ($40) as he doesn't eat offal. The beef was shaved fresh local beef. Very tender with a strong beef taste. The beef balls were good though a bit too much pep

第一次寫食評…我住呢頭幾十年…先發現有呢間正野，今日第一次去食🥲之前淨係去正街個間潮x人到食（呢間野十幾年前係喺嘉安街開既）…個間都係幾好食既…不過宜家又貴啲料又少又要等好耐呢間唔同…又抵又好食又多料…以後我想食潮州粉麵都一定揀呢一間…唔洗去正街個間排長龍有排等😅btw呢間我頭先三點幾去到都要等左一陣先有位，不過仍然覺得值得👍🏻👍🏻值得一讚既係，排隊等位時既做法同正街個間一樣…會幫你落定單…一有位坐低，基本上唔洗五分鐘就上到菜👍🏻👍🏻特別要提既係佢個豬腰整得好滑之餘又唔會冇哂口感，味道，一定要試

在網上見很多人介紹此舖, 以前住港島時並未有去試過, 今日剛有空便坐東鐵轉港鐵, 往此舖一嘗之, 大豬雜米$45, 份量超足, 加辣醬調味一流, 唯一美中不足的是粉腸有些苦, 不過整體是合格有餘