西貢海灣會燒烤大王

好多年無去過呢間BBQ，上一次去已經係七八年未裝修之前，估唔到今次去質素仲差過以前。其實而家好多BBQ場都免費泊車，呢間BBQ泊車仲要$20個鐘，最攞命嘅係呢間嘅食物非常之低檔次，衰過街市買嘅凍肉舖醃製食物。魚蛋、腸仔、芝士腸，牛丸、墨魚丸、金沙骨等平價食物雪咗好耐，食落去好似橡筋咁硬，牛扒咬落去啲根多到黐牙扯唔開，番薯出水。星期六仲要收成三舊水，望到海景，又要加多$100開爐費。唯獨是一樣好，就係個廁所乾淨以及啲燒烤炭比較乾身。相比起其他香港嘅BBQ場地，仲要係西貢比較高級嘅地方，佢啲食物質素真係好差，講到服務質素，職員木口木面，好似機械人咁，所以我已經擺咗No next time menu lu 😂😂😂