Le Grande Bleu (已結業)

前排幫一個朋友慶祝生日，因為佢住跑馬地，所以就返佢去跑馬地食飯，就黎左呢間Fine Dining。羊肚菌忌廉蘑菇湯用左中式羊肚菌同埋西式蘑菇，飲落口感比較creamy，忌廉味都香濃。手工黑松露帶子酥帶子酥入面除左有帶子之外，仲有黑松露同羊肚菌，個sauce就用返帶子邊做原材料，同埋波特酒。慢煮鮮鮑魚係慢煮南非鮑魚，個sauce有鮑魚肝膽昆布去煮。食落味道鮮美，口感彈牙。主菜方面有兩款，分別係牛同豬。我同朋友就每人揀一款share食。法國鵝肝 • 澳洲黑安格斯牛柳有鵝肝又有牛柳食，牛柳以蘋果木煙燻過，煙燻嘅感覺好出，配上鮮橙醋酒汁，剛好平衡左油膩感覺。西班牙伊比利亞黑毛豬鞍純正西班牙伊比利亞黑毛豬鞍食落肉味香濃，帶點橡果香，伴上蘋果蜜桃話梅汁。新派意大利飯有三款意大利飯，建議由淡味食到濃味，依次為魚籽醬、燒汁鮑魚、三文魚子。法式烤牛奶．威士忌菊花蜜呢個甜品好正，奶味好香濃好滑，威士忌菊花蜜作為個汁，帶點清甜同酒香。