影片
更多
2024-06-29
81 瀏覽
好耐冇食越南嘢，有朋友介紹呢間係跑馬地隱蔽嘅越南小店BANH MI PATE 。一於try try佢。入到去聽到佢哋係越南口吻嘅人類，大概都知道應該係越南人開嘅餐廳，正熟牛坑腩河粉嚟到碗河粉份量應該大過我個頭，份量好足料。超級多牛肉同埋配料喺入邊。食河粉我會先試吓佢個湯底，湯底好夠熱牛味清香。河粉細滑入味，感覺開胃。牛肉軟腍鮮嫩。同喺越南食嘅味道好似。牛油雞翼雞翼超級大隻，佢哋好有心係即叫即炸，等15分鐘就有得食。雞翼脆卜卜好香牛油味同香蒜味，一咬落去啲汁爆曬出嚟。係會食到停唔到口。雞翼我會話係好驚艷！鹹梅青檸梳打食炸嘢梗係要叫個清熱嘅嘢飲，鹹梅同埋青檸嘅味道好平衡，甜度適中。啱晒解渴解膩。另外覺得小店好細心，我哋杯水都係用斑斕葉浸過，有好香嘅味道。支持用心既小店，絕對值得一試！
熟牛坑腩河粉
嚟到碗河粉份量應該大過我個頭，份量好足料。超級多牛肉同埋配料喺入邊。食河粉我會先試吓佢個湯底，湯底好夠熱牛味清香。河粉細滑入味，感覺開胃。牛肉軟腍鮮嫩。同喺越南食嘅味道好似。
牛油雞翼
雞翼超級大隻，佢哋好有心係即叫即炸，等15分鐘就有得食。雞翼脆卜卜好香牛油味同香蒜味，一咬落去啲汁爆曬出嚟。
係會食到停唔到口。雞翼我會話係好驚艷！
鹹梅青檸梳打
食炸嘢梗係要叫個清熱嘅嘢飲，鹹梅同埋青檸嘅味道好平衡，甜度適中。啱晒解渴解膩。
另外覺得小店好細心，我哋杯水都係用斑斕葉浸過，有好香嘅味道。支持用心既小店，絕對值得一試！
張貼
