祥發茶餐小廚

營業中

休息中

去開北角專程來到一間以瑞士雞脾馳名既小店-祥發茶餐小廚。個名後面寫到明瑞士雞脾專門店，當然要試下瑞士雞脾啦🍗🍗未到LUNCH時間去到門口已經見到唔少人等緊。不過唔使擔心，佢有好大個MENU好多選擇比你慢慢睇，N咁多個配搭包你諗下諗下時間好快過。第一樣當然要試下個瑞士雞脾啦，🍗一咬落去瑞士汁既味充滿口腔，就好似飲左一啖薑醋，薑醋既靈魂困係雞脾肉裏面，非常好食。麻麻地薑醋味既亦有好多小食可以選擇，就好似我地叫左特濃芝士雞扒天使麵同沙爹牛肉包🥩🥖店家亦好貼心套餐配迷你版麵飯，滿足貪心既我地。天使麵味道唔錯，不過唔係我地想像既幼身而係偏粗（即係唔係天使麵🤣）；沙爹牛包烘完之後變得外脆軟，配搭沙爹牛肉另有一番風味。最後仲唔知點解亂咁叫左個朱古力煉奶吐司當貼品，完成左豐富既一餐。