Lockeroom Zoom Football Restaurant (山頂廣場) (已結業)

足球主題餐廳，係球迷都應該嚟朝聖，嚟打卡，嚟chill 下la !!! 呢間喺山頂廣場 Lockeroom , 由門口 至餐廳內，以至枱椅 全部都係足球賽事佈置，真係氣氛十足，食物選擇多，大部份可按自己喜好微調 菜式，好照顧到客人不同囗味，讃👍💫蘇格蘭煙三文魚藜麥沙律 用個玻璃奬杯盛菜，好靚好特別，底層係沙律菜，中層係藜麥，上層係煙三文魚，分好層次咁去食。💫西斑牙 黑毛豬脆包 黑毛豬 厚度適中，好juicy, 麵包外層非常脆口，配有薯角，沙律菜，好豐富的一份餐。 💫煙三文魚露荀南瓜汁意大利麵 南瓜汁意大利麵 ，甜甜地，露荀爽口，配上煙三文魚，味道好夾。💫 西柚茉莉花茶 西柚果香加埋茉莉花茶醇香，口味清新。💫 比利時 紅桑子口味啤酒 好香濃紅桑子味，酒精成份 低，真係可以飯多幾枝🙈💫 韓國直送柚子芝士餅 芝士餅 口感滑溜，唔會漿囗，加上味道濃郁柚子醬，正👍