牛摩 (荃灣千色匯I) (已結業)

足料香濃椰子雞鍋x雙牛放題套餐🐮一上個火鍋已經聞到好香，打邊爐之前，個鍋一滾我哋就先試吓個椰子雞湯，好香甜滋潤😍飲夠兩碗先落雞，雞件夠晒多，我哋無淥好耐，熟左就先夾返上碟，以免淥太耐會老😂我哋兩個係咁話「咁多點食得晒」點知最後俾我哋清晒😎個湯底真係好足料，勁多椰子片！仲有少少藥材味，有龍眼肉、杞子等材料，同幾舊粟米，所以好香甜。🔸美國SRF 和牛牛頸脊🐮呢款比較多脂肪，油脂分布平均，肉質嫩滑，好食！🔸封門柳🐮 全隻牛得一條，係橫膈膜隔離，脂肪少啲，但食落好重牛味！🔸牛舌👅我最愛😋平時多數燒肉食牛舌，打邊爐都唔錯，肉質爽彈，牛味都好濃郁！要Encore!!🔸特級牛肉🐮精選牛肉🐮豚肉片🐷呢啲都係任食，不過我哋食左各一碟都已經好夠！🔸自助區配料有好多款丸類、蔬菜都好多款。仲有麵、餃子、壽司、沙律🥗甜品就梗係唔少得啦，除咗有雪糕之外，仲有泡芙、Brownie 等等。飲品我推薦呢個百香果沙冰，好飲！好彩午餐有留肚，如果唔係食唔到咁多野🤣鍾意食牛嘅朋友真係唔好錯過，牛肉真係高質！餐廳坐得好舒服，座位好寬敞，今晚我哋早嚟到，可以兩個人一個卡位。