好味餃子店

營業中

休息中

出動尋找美食，去到長沙灣一間隱世餃子店，下午茶時段都有好多街坊幫襯🤩呢度有成7種餃子提供，包括有韭菜肉餃、甘筍沙葛肉餃、白菜肉餃、雲耳椰菜肉餃、芫茜肉餃、粟米肉餃、芹菜肉餃～人工餃子，可煎可湯上下午茶套餐亦好抵食～五隻湯餃，再配滋潤雪梨茶一杯韭菜肉餃餃子皮薄柔軟，餡料飽滿，韭菜翠綠又香，配豬肉味道鮮美，真係愈食愈滋味雲耳椰菜肉餃雲耳椰菜味道突出，食落爽脆湯餃嘅湯底係野葛菜生魚豬骨湯，味道濃郁，鮮甜可口，伴餃子食更好🤭而湯底亦可單點，冬天飲返碗，即時成身暖哂🥰另外有雪梨茶，及羅漢果甘草茶，清熱滋潤😌雪梨茶仲有粒粒果肉😍