正潮樓 (富通大廈)

營業中

休息中

灣仔依間「正潮樓」主打潮州、汕頭菜式，價錢定價略高，不過菜式份量唔少，但今次依餐飯幾乎接近係我自己一個人食曬所有飯餸。*此餐廳收取加一服務費。橄欖燉海螺（單點$148），好足料，海螺口感厚肉，肉質彈牙，味道鮮甜，雞腳口感軟腍，入口即化，橄欖味道濃厚。滷水鵝肉（單點$138），鵝肉肉質皮薄肉嫩，食落好入味，配以蒜蓉醋食用，味道更佳，滷水豆腐口感滑溜，食落豆香味濃，滷水花生食落充滿五香味道。芋頭炒香飯（單點$128），芋頭口感綿密，味道清甜，內有肥豬肉、香蔥，炒飯口感粒粒分明，食落帶有豉油味道，底部有飯焦，食落好香口。汕頭煎蠔烙（單點$108），表面鋪有芫荽，蛋皮口感薄脆，食落好Juicy，內有生蠔、香蔥，生蠔份量多，肉質飽滿，味道鮮甜，配以魚露食用，味道偏鹹，建議不沾此汁。茶位（兩位$24），鐵觀音，茶味濃香。