蝦麵店 (海光街) (已結業)

今日同媽媽黎試下呢間主打蝦麵既小店，食物款式種類都幾多，除左麵之外，都有飯、小食同特式飲品等等，價錢貼地辣味蝦湯蝦肉肉骨麵店員介紹湯底辣味約中辣，雖然望落好似好紅，但飲落主要係蝦既鮮甜味道，中辣既辣度岩岩好，唔會搶到陣蝦味。麵就揀左油麵，口感軟硬適中。蝦細細隻，都幾爽口彈牙，肉骨啖啖肉，而且煮得幾腍。咖喱喇沙湯海鮮麵一黎到就聞到陣陣既喇沙湯既香味，好重椰香味，另外仲有陣咖喱香味，麵就要左摻摻，索哂d湯汁，海鮮款式都幾多，有青口、蟹柳、蝦同魷魚，都幾新鮮，仲有豆卜，索哂湯汁好正！馬來香炸雞翼雞翼外皮香脆，肉質嫩滑，食到少少香茅嘅香味沙嗲醬魷魚翼魷魚翼份量都幾多，爽口彈牙，沙嗲醬味道濃郁，重鹹香味，同魷魚配搭幾夾。五香脆炸豆腐豆卜豆腐同豆卜炸得好香脆，面頭灑上五香粉，令味道更豐富，另外更配上一個酸酸甜甜嘅醬汁，食落冇咁油膩，唔錯。馬來沙嗲雞肉串雞肉燒得啱啱好，幾滑，而且啖啖肉，沙嗲醬好足料，粗粒花生鋪滿雞肉串，香口惹味。白咖啡飲落比起一般嘅咖啡冇咁酸同冇咁苦，帶有一陣好香嘅烘焙味，口感爽滑，飲落更柔和。檸檬薏米水味道酸酸甜甜，飲落清新，夏天消暑一流