紅葉冰室

營業中

休息中

同幾位同事一行4人去食lunch 發現了這間粉紅色系簡潔浪漫的冰室！冰室裝修幾靚好似間Cafe咁～ 坐得幾舒服！仲要好多卡座～ 我地4個人座一個卡座真係啱啱好！有私人空間之餘仲同陌生食客保持到安全既距離！我地叫左蔥油炸雞髀太陽蛋飯，牛柳粒通粉配黑松露炒蛋+多士，芝士焗牛柳粒意粉同埋忌廉海鮮飯～ 蔥油炸雞髀太陽蛋飯真係勁大件炸雞髀！大到好似塊臉咁大！個炸雞髀仲要炸到外脆內滑！加埋蔥油同太陽蛋一齊食口感豐富！牛柳粒蕃茄通粉既牛柳真係非常足料！大大件！蕃茄通粉都好濃好好味，真係忍唔住要飲曬！黑松露炒蛋好香濃既黑松露味～ 開埋牛油多士一齊食好正呀！芝士焗牛柳粒意粉都好好味架～ 個茄汁好正好似屋企食咁正！芝士都好好味😋！牛柳粒大大粒好正！超級足料！忌廉海鮮飯都好足料好好味呀！濃濃既廉汁真心好正！