百味章魚

營業中

休息中

今日行過旺角中心，而家開咗好多小食店，見到有間新開嘅章魚小丸子店，佢地招牌寫住原班人馬，原來係真.章魚無雙同一班低，睇睇餐牌價錢合理，唔算太貴，佢地餐牌款式都幾多，我就叫咗幾款試吓。呢度d章魚小丸子涵料都幾豐富，每粒入面都有2-3粒章魚粒，粒粒都好飽滿。大阪風章魚燒-一定要叫呢款original味啦，d醬汁同木魚片份量都幾多，好味。芝士章魚燒-食果時d芝士有拉絲，佢地用火槍燒上面d芝士，半溶嘅芝士真係好正，食落仲有好香嘅燒炙嘅香味，正。蟹膏章魚燒-d蟹膏勁香濃，蟹膏份量都幾多，勁重蟹味，仲有蟹子喺上面，食落勁正，同章魚小丸子勁夾。