影片
更多
2009-05-22
21 瀏覽
今日去銀座買野，懶得行去另一邊羊城，見滿庭芳唔駛排隊等位，就講左2位，可以直入。今日坐低，睇下有咩平日特價野食先，都幾多喎，叫左:$1雞球大飽—個飽上枱，心諗幾大個喎，影完外面，叉開影入邊，忍唔住笑左出黎，因為真係冇諗過大飽入邊D饀會有咁多野，蛋，火腿，冬菇，蝦，雞翼，碎肉，如果將D飽皮變成糯米，真係有9成似燸米雞。好聽叫足料，唔好聽好似有D垃垃雜雜。但$1黎講，我都會偏向講前者多D，味道是OK的，抵食。蝦餃--$8.8幾大隻，新鮮，餃皮厚薄適中，蝦都爽口，有甜味，肥豬肉唔多。蘿蔔糕--$6.8，唔多粉，因為我夾件蘿蔔糕，跌左落枱幾次，自問筷子功唔差，件糕幾散下，唔知呢D係咪即係”削”呢?叉燒飯--$12.8碗飯份量都算多，叉燒有幾舊淋，有幾舊有硬，唔平均，叉燒汁偏咸。茶芥$7/位，2人埋單$49。講返呢度，以前我係常客，如果2個人，我會選擇唔駛等太耐酒樓飲茶，滿庭芳曾經有段日子，係唔駛點等位的，後來1,2年前裝修過之後，人多左，去親都要等頗耐之後，我就小左去啦。今日去完，如果人龍唔多，我都會黎返多D，平日飲茶，價錢實惠，食物質素是OK的。至於晩飯的任食火鍋，在質素每況愈下之後，另作他
$1雞球大飽—個飽上枱，心諗幾大個喎，影完外面，叉開影入邊，忍唔住笑左出黎，因為真係冇諗過大飽入邊D饀會有咁多野，蛋，火腿，冬菇，蝦，雞翼，碎肉，如果將D飽皮變成糯米，真係有9成似燸米雞。好聽叫足料，唔好聽好似有D垃垃雜雜。但$1黎講，我都會偏向講前者多D，味道是OK的，抵食。
蝦餃--$8.8幾大隻，新鮮，餃皮厚薄適中，蝦都爽口，有甜味，肥豬肉唔多。
蘿蔔糕--$6.8，唔多粉，因為我夾件蘿蔔糕，跌左落枱幾次，自問筷子功唔差，件糕幾散下，唔知呢D係咪即係”削”呢?
叉燒飯--$12.8碗飯份量都算多，叉燒有幾舊淋，有幾舊有硬，唔平均，叉燒汁偏咸。
茶芥$7/位，2人埋單$49。
講返呢度，以前我係常客，如果2個人，我會選擇唔駛等太耐酒樓飲茶，滿庭芳曾經有段日子，係唔駛點等位的，後來1,2年前裝修過之後，人多左，去親都要等頗耐之後，我就小左去啦。今日去完，如果人龍唔多，我都會黎返多D，平日飲茶，價錢實惠，食物質素是OK的。至於晩飯的任食火鍋，在質素每況愈下之後，另作他選很久了。
人多，幾嘈，夏天泠氣局部性不足的。
張貼
