永樂餃子店 (已結業)

呢間位於上環既永樂餃子店一開始係鰂魚涌開舖既時候小編已經試過好有深刻印象，因為餃子超大隻超足料超飽滿（心心眼）而且湯底標榜無落味精，自從搬咗嚟上環之後，呢日趁嚟上環工作就嚟食下，而且根據網上既資料，呢度既老闆係同路人，可以支持下。鮮肉香菇粟米餃（配花膠淮山豬骨湯）呢度既餃子有好多款餡料可以選擇，我就揀咗鮮肉香菇粟米呢個比較清新爽口既配搭，入面有好多粟米粒，令到整個餡料好香甜爽脆，餡料都係一貫咁飽滿咁多，個湯底絕對係招牌，好清甜天然既老火湯味道，飲晒成碗好滿足。人均消費：$48推介指數（10分為滿分）：7.5分