影片
更多
2023-12-20
42 瀏覽
屋企附近商場新開咗一條食街，以後醫肚又多咗好多新選擇，今日同先生專程嚟覓食嚐鮮，揀咗呢間日式料理，選擇多元化之餘價錢仲好親民。我哋揀咗幾款刺身，上菜速度好快，仲用發泡膠盆加冰鎮保溫。刺身大大件，賣相吸引，而且超新鮮，非常驚喜！加拿大海膽大大片，味道非常鮮甜濃郁，入口即溶！帶子刺身厚切，口厚爽滑細膩，同樣係超級新鮮，一啲雪味都冇。呑拿魚刺身色澤粉嫩，紋理均勻，而且切得又厚又大片，味道甘甜，口感清爽。除咗刺身之外我哋亦叫咗幾款壽司，同樣即叫即整，賣相精緻。先生最愛八瓜魚壽司，肉質彈牙有咬口，而且鮮味突出。我就最欣賞左口魚壽司，輕輕火炙過帶出魚油嘅甘香，入口即溶，令人回味。食完咁多凍嘢當然唔少得一碗暖笠笠嘅湯麵配炸雞，炸雞份量唔少，而且大大件，即叫即炸熱辣辣，咬落去外脆內嫩仲有肉汁，有驚喜！
屋企附近商場新開咗一條食街，以後醫肚又多咗好多新選擇，今日同先生專程嚟覓食嚐鮮，揀咗呢間日式料理，選擇多元化之餘價錢仲好親民。
我哋揀咗幾款刺身，上菜速度好快，仲用發泡膠盆加冰鎮保溫。刺身大大件，賣相吸引，而且超新鮮，非常驚喜！
加拿大海膽大大片，味道非常鮮甜濃郁，入口即溶！
帶子刺身厚切，口厚爽滑細膩，同樣係超級新鮮，一啲雪味都冇。
呑拿魚刺身色澤粉嫩，紋理均勻，而且切得又厚又大片，味道甘甜，口感清爽。
除咗刺身之外我哋亦叫咗幾款壽司，同樣即叫即整，賣相精緻。先生最愛八瓜魚壽司，肉質彈牙有咬口，而且鮮味突出。
我就最欣賞左口魚壽司，輕輕火炙過帶出魚油嘅甘香，入口即溶，令人回味。
食完咁多凍嘢當然唔少得一碗暖笠笠嘅湯麵配炸雞，炸雞份量唔少，而且大大件，即叫即炸熱辣辣，咬落去外脆內嫩仲有肉汁，有驚喜！張貼
