吞POT 雞煲火鍋.住家菜 (譽發廣場) (已結業)

想同朋友食餐好慶祝，成日都好怕伏，出開旺角發現到呢一間，見到有雞煲、有火鍋、同住家菜～而且見到網上啲評論都幾好，所以就決定試吓，今次叫咗鴛鴦鍋，湯底叫咗招牌鮮魚湯鍋配蕃茄薯仔濃湯鍋，魚湯入口好鮮甜，而蕃茄薯仔湯味道好香，幾清甜。湯底唔單止淨係湯底，飲落都幾唔錯，配料叫咗手打黃金海膽黑墨丸、帶子皇，墨丸食落幾爽口，幾有口感，而且帶子皇亦都鮮甜可口，是次火鍋體驗幾良好，朋友同我都好滿意，下次會再帶朋友過嚟食。