House FiftyEight

營業中

休息中

約左朋友係觀塘食午餐，佢帶我去呢間西餐廳，餐廳做緊2點後有8折優惠，呢到有室外環境可以帶埋寵物上黎，仲有專門比寵物食嘅寵物餐。餐湯有雜菜湯或者蘑菇湯可以選擇，我揀左蘑菇湯，蘑菇湯好足料，好多蘑菇粒，飲落口感creamy香滑。麵包香甜軟熟。慢煮美國安格斯頂級牛板腱牛板腱一切開粉嫩夠汁，食落牛肉味道濃郁，口感軟林，加上燒汁十分惹味。叫左杯卡布奇諾，入口順滑，咖啡香濃。全日早餐薯餅香脆可口。黑松露炒蛋味道香濃，炒蛋滑溜。田園沙律新鮮爽口，醬汁酸甜開胃。紐倫堡腸唔會好咸，幾有口感。大啡菇同蕃茄香甜多汁。朱古力慕絲蛋糕口感幼滑，朱古力香濃可口。