影片
更多
2024-05-27
133 瀏覽
今次👧🏻就約咗朋友去銅鑼灣充滿玩味嘅Fusion餐廳 - Zipzip一聚！餐廳未改名前都同朋友食過，大家都好鐘意！裝修同重新定位後，菜式新穎程度、食物取名同裝修都保留一貫嘅Playful！值得一提餐廳仲係Pet Friendly，當日都有客人帶埋狗狗一齊食飯🤪！🌟Nothing Special Chicken Wings炸雞翼有幾款口味，例如蜜糖芥末、芝士味等，今次就叫咗避風塘味！一份雞翼有6隻，新鮮炸起外層超脆，雞翼嫩滑多汁，灑上大量炸蒜粒同辣椒🌶️，十分惹味。🌟黃金龍蝦汁薄片魷魚排哂啲汁意粉咸蛋黃配上龍蝦汁🦞嚟做意粉醬係第一次食，兩者平衡得不錯，好掛身。魷魚🦑薄片柔軟得嚟又帶點彈牙，龍蝦肉幾解甜爽口。至於意粉就用上扁意粉，係Al Dente質感👍🏻。🌟點解個個都叫軟殼蟹比薩架Pizza Crust相當薄脆，中間放上薄薄一層嘅薯蓉、千島醬、菠蘿🍍、火箭菜、芝士🧀、蟹柳同一隻軟殼蟹。火箭菜能夠將千島醬同菠蘿嘅甜味略略減低，另外值得一讚軟殼蟹內裏充滿蟹肉蟹膏，蟹肉嘅咸香同成個Pizza幾夾。🌟開心果窩夫除咗Menu上嘅甜品，估唔到呢到仲有提供3款開心果口味嘅甜品，緊係要叫嚟試！👧🏻（開心
🌟Nothing Special Chicken Wings
炸雞翼有幾款口味，例如蜜糖芥末、芝士味等，今次就叫咗避風塘味！一份雞翼有6隻，新鮮炸起外層超脆，雞翼嫩滑多汁，灑上大量炸蒜粒同辣椒🌶️，十分惹味。
🌟黃金龍蝦汁薄片魷魚排哂啲汁意粉
咸蛋黃配上龍蝦汁🦞嚟做意粉醬係第一次食，兩者平衡得不錯，好掛身。魷魚🦑薄片柔軟得嚟又帶點彈牙，龍蝦肉幾解甜爽口。至於意粉就用上扁意粉，係Al Dente質感👍🏻。
🌟點解個個都叫軟殼蟹比薩架
Pizza Crust相當薄脆，中間放上薄薄一層嘅薯蓉、千島醬、菠蘿🍍、火箭菜、芝士🧀、蟹柳同一隻軟殼蟹。火箭菜能夠將千島醬同菠蘿嘅甜味略略減低，另外值得一讚軟殼蟹內裏充滿蟹肉蟹膏，蟹肉嘅咸香同成個Pizza幾夾。
🌟開心果窩夫
除咗Menu上嘅甜品，估唔到呢到仲有提供3款開心果口味嘅甜品，緊係要叫嚟試！👧🏻（開心果關注組成員🤪）就極力推薦呢個開心果窩夫🧇！Waffle係開心果口味，相當濃郁質感又唔會太Lup口，而配料就有開心果碎、奶蓋醬、豆腐味雪糕🍦同大量雜莓。奶蓋醬用上忌廉芝士🧀，所以都充滿咸香（就咁點奶蓋醬已經好滿足🥰）。豆腐雪糕清淡得嚟唔會蓋過主角開心果。
🌟Surreal Grape Soda
朋友就叫咗杯提子梳打🍇，用上大量青提子，啖啖都係果肉，味道天然又唔太甜，夠曬滿足！
張貼
