Arena Kitchen

營業中

休息中

同個friend shop到唔知時間，嗱嗱林同個friend仆入博緊館睇K-pop，入到發現仲有半個鐘(原來機鐵咁快，早知食埋先入嚟…) 。為咗唔好餓住個肚無力打氣，於是去到博覽館搵野食。初初諗住今餐一定貴，而且對味道冇乜期望，但係原來都ok喎。Set dinner選揀唔多，A – D餐，我同個friend 都唔係太肚餓，所以share咗個炸魚薯條Fish & Chips。$118包野飲，無加一，呢個價錢同市區啲pub相似，但係相比起其他場館內嘅食物價錢唔算貴，再者呢度咁遠，運費都要啦…個Fish 炸得都ok，唔會好油，個面都幾脆，個friend 話啲魚好食過佢樓下嗰間所謂西餐廳喎…薯條就一般啦，熱辣辣都幾好味嘅。呢間餐廳最正嘅係喺正concert入口隔離，方便食完即刻入場，附近仲有大電視，不斷播住Beast同4-minute嘅video(我諗係邊個歌手開concert就播邊個嘅video)，實在係正呀！