影片
更多
2023-06-14
625 瀏覽
係附近做完正經野，本來想去試既餐廳大排長龍時候已不早，好多餐廳都last order咗，見呢間餐廳仲未有10分鐘先last order而且仲有大半個鐘先close，就入去試下🙃有主菜有甜品，仲有set dinner，而呢到主打招牌野應該係可麗餅”crepe”有咸有甜。當晚2個人叫咗一個Set dinner、一個意粉。set dinner包前菜、主菜、甜品同餐茶。前菜揀咗沙律，主菜揀咗黑松露意大利寬條麵，甜品揀朱古力香蕉可麗餅，餐飲就點咗杯熱Americano，另外散叫咗碟手工肉丸意大利麵。# Set dinner $268前菜 Caesar Salad 好味6/10味道正常大眾口味🥗用既蔬菜尚算新鮮爽脆麵包粒都脆，整體份量正常主菜 黑松露野菌寬條麵 好味4/10首先味道偏咸，上台聞唔到又食唔到有黑松露味，食到好重淡忌廉同雞湯味，而且蒜味都比較出，加上有芝士灑係面撈埋之後，芝士味同咸味完全遮蓋哂黑松露既味道，麵質非常之淋，好似茶記既肉醬意粉咁淋啤啤😵💫甜品 香蕉榛子朱古力可麗餅 好味3/10味道普通，crepe上面吱上棒子朱古力醬，裡面有8-10片香蕉肉同cream，香蕉肉新鮮，
係附近做完正經野，本來想去試既餐廳大排長龍
時候已不早，好多餐廳都last order咗，見呢間餐廳仲未有10分鐘先last order而且仲有大半個鐘先close，就入去試下🙃有主菜有甜品，仲有set dinner，而呢到主打招牌野應該係可麗餅”crepe”有咸有甜。
當晚2個人叫咗一個Set dinner、一個意粉。set dinner包前菜、主菜、甜品同餐茶。前菜揀咗沙律，主菜揀咗黑松露意大利寬條麵，甜品揀朱古力香蕉可麗餅，餐飲就點咗杯熱Americano，另外散叫咗碟手工肉丸意大利麵。
# Set dinner $268
前菜 Caesar Salad 好味6/10
味道正常大眾口味🥗用既蔬菜尚算新鮮爽脆
麵包粒都脆，整體份量正常
主菜 黑松露野菌寬條麵 好味4/10
首先味道偏咸，上台聞唔到又食唔到有黑松露味，食到好重淡忌廉同雞湯味，而且蒜味都比較出，加上有芝士灑係面撈埋之後，芝士味同咸味完全遮蓋哂黑松露既味道，麵質非常之淋，好似茶記既肉醬意粉咁淋啤啤😵💫
甜品 香蕉榛子朱古力可麗餅 好味3/10
味道普通，crepe上面吱上棒子朱古力醬，裡面有8-10片香蕉肉同cream，香蕉肉新鮮，個crepe口感偏軟淋🙆♀️個人覺得$30-50既小店可麗餅好食過呢到囉
餐飲 熱美式咖啡 好味3/10
好明顯係用商業豆而不是精品豆
一入口苦澀酸咸 完全無咗個甜感😑
而且飲落好鞋口 一d都唔順滑 成條脷都苦苦不散🤢
手工肉丸意大利麵$128 好味0/10
呢碟意粉係散叫既，份量同Set dinner個碟一樣，一夾起身都知係淋Q哂😂真係仲淋過碟黑松露野菌闊條麵🙈無牙阿婆岩食，同咗個侍應反映，佢話d軟硬度係較好哂無得變😯話幫我取消先，轉個頭佢見我睇餐牌揀唔到叫咩就同我講話可以叫師傅再煮碟無咁淋既俾我，我就俾個機會佢啦，點知等咗勁耐先嚟，得返20分鐘就close啦🤬第二碟仲大獲，唔知係咪廚師趕收工，碟意粉係未熟既🤬我食咗第一啖係好硬同意粉癡牙，我就揾下係咪d意粉未熟所以咁情況，點知我搣開好幾條意粉心係白色嘅，真係未煮熟🤬我叫返個嗰話可以煮多次個我既侍應埋嚟，佢嚟到聽完我話意粉未熟，佢就叫經理過嚟處理，個經理埋到嚟問我咩事，我叫佢睇下 意粉個心都係白色未熟呀，有無搞錯，我係想要al dente，而唔係要一碟未煮熟既意粉，個經理仲好笑，話可能師傅諗住你想要脆啲，所以就煮生啲俾你😵乜野要脆d呀大佬，真係唔識架喎，個經理只係講咗2句唔好意思我幫你取消佢就行走咗了事😑以後唔會再嚟，大家自己衡量係咪一定要嚟呢間店食可麗餅啦🤷🏻♀️
#題外話
呢到服務係好差，員工無乜禮貌又好似好新咁😃
我問個女侍應攞黑椒同埋Tabasco個女仔埋離應完我之後行過我張枱幾次都無俾我，我見佢企係吧頭等出菜都無理我，我再問另一個男仔先攞到黑椒同Tabasco😂埋單叫完好耐無人嚟，再叫個男侍應，佢話要叫同事，佢話自己唔識埋單😅可能真係趕收工，個女侍應喺我隔離張枱執枱，突然好大聲砰砰2聲，打爛咗隻杯一地都係水，玻璃碎一枱都係，好彩玻璃碎冇彈到我，但個女侍應完全係旁若無人嘅態度，一聲唔好意思都冇🤷🏻♀️
環境: 6/10
服務: 4/10
衛生: 6/10
掋食: 3/10
張貼
