影片
更多
2022-09-06
491 瀏覽
呢間新派越南餐廳一改傳統，黎個Fusion 菜，一打開升降機門就被呢個掛燈箱吸眼球好彩仲有少量枱，早到的人有福了..........佢哋有多款自家製特式冰茶，呢支斑蘭龍眼茶 ($23)，送上冰底杯，飲落好香斑蘭味，味道有龍眼甜味，夏天解渴有益之選。另一杯酒精飲品就有TEARS OF MERMAID ($58)，Rum酒加藍柑橘、荔枝、梳打，顏色好特別，奉上一個泡泡，影相就岩晒; 飲落甜甜地又有梳打水嘅清爽暢快感， Cheers............. 食物上枱速度快，起動...............先黎「脆米紙薄餅」（$54）賣相似薄餅，將米紙餅底炸至香脆鬆化，食落無成夠粉糰咁飽肚，配搭的配料如越南香腸(味道質感似臘腸)、青瓜和甘荀絲等，再唧上沙律醬，酸酸甜甜咁，豐富咗味道與口感。 跟住有越式惹味粟米條 ($48)，切成一條條容易食，味道超香甜又多汁，簡單但好味。食越菜好少會叫沙律，呢客越式發酵茶葉沙律 ($52)，名字引起人好奇心係咩東東。原來係以菜絲底，混入蕃茄粒，脆豆，粟米粒，再加入有辣度嘅"沙律汁"，食起相黎頗刺激，非一般沙律呀!呢碗「嫲嫲南越湯 – 招牌金邊粉」（$88）
好彩仲有少量枱，早到的人有福了..........
佢哋有多款自家製特式冰茶，呢支斑蘭龍眼茶 ($23)，送上冰底杯，飲落好香斑蘭味，味道有龍眼甜味，夏天解渴有益之選。
另一杯酒精飲品就有TEARS OF MERMAID ($58)，Rum酒加藍柑橘、荔枝、梳打，顏色好特別，奉上一個泡泡，影相就岩晒; 飲落甜甜地又有梳打水嘅清爽暢快感， Cheers.............
食物上枱速度快，起動...............
先黎「脆米紙薄餅」（$54）賣相似薄餅，將米紙餅底炸至香脆鬆化，食落無成夠粉糰咁飽肚，配搭的配料如越南香腸(味道質感似臘腸)、青瓜和甘荀絲等，再唧上沙律醬，酸酸甜甜咁，豐富咗味道與口感。
跟住有越式惹味粟米條 ($48)，切成一條條容易食，味道超香甜又多汁，簡單但好味。
食越菜好少會叫沙律，呢客越式發酵茶葉沙律 ($52)，名字引起人好奇心係咩東東。原來係以菜絲底，混入蕃茄粒，脆豆，粟米粒，再加入有辣度嘅"沙律汁"，食起相黎頗刺激，非一般沙律呀!
呢碗「嫲嫲南越湯 – 招牌金邊粉」（$88），出鏡率相當高，差唔多真係枱枱都叫。材料相當豐富，有油條，牛肉片、牛面頰、牛腱、牛筋及牛丸等。內有金不換及青檸加強味濃湯底。浸得相當入味，牛丸彈牙，牛筋有口感。
金邊粉是空運到港，麵條圓身，容易吸收湯汁，口感絶對彈牙中帶煙韌，一食就知有咩分別。
壓軸登場.........................差不多一尺蝦 ($138)，真係超級大隻，成隻碟都唔夠佢長
蝦身已經除咗殼，舖上炸芋條，再淋上惹味醬汁
成隻夾起食夠晒滿足又豪氣，蝦肉彈牙，酸中帶少少辣度嘅香濃醬汁好夾，好好味; 另外個蝦頭都唔可以錯過，個殼脆卜卜又有蝦膏，蝦味滿分。
佢仲有甜品供應，不過都係留待下次先啦。
張貼
