河內越式料理

營業中

休息中

今日去完尖沙咀行街, 夜晚去左一間越南餐廳食飯。餐廳位置方便, 係地鐵站行過去好近。我哋叫生牛肉湯河, 佢既肉質嫩滑, 湯底用牛骨熬製, 飲落去好清甜唔會好口喝既感覺。另外我哋亦叫左豬扒撈檬, 豬扒好大塊, 香茅味突出, 食落好香脆。另外春卷配料好多, 有木耳絲, 紅蘿蔔絲, 豬肉等, 炸得好脆口, 食落唔油膩。我哋叫左杯特飲, 三色冰椰汁味好濃, 連埋幾種配料, 口感和味道十分豐富。餐廳食物份量幾多, 價錢亦唔貴, 如果經開尖沙咀可以去試下。