影片
更多
2020-03-07
194 瀏覽
好友聚會，無意中聽到兩位在灣仔上班的朋友交換飲食情報，提到克街有間主打越南牛肉粉嘅食肆。聽說店裡的牛河，水準唔錯，好味又正宗，所以已經即時 mark 低左。這天剛好要來灣仔，辦完正經事，就特意過去試下。餐廳門面好新淨，用上象徵海洋的蔚藍色為主調，配上白底黃字招牌，睇落好醒神。由於來到時已過了繁忙時間，所以不用取票便可以直接入座。原來店內裝潢亦好有特色，同樣以湖水藍色為主，再襯以金、銅兩色，觀感和諧，低調中滲出一份貴氣。原本諗住嚟食正餐，但入座後發現原來晚市仲未開始，只有下午茶餐供應，咁就一於改吃 Tea Set。我哋揀咗兩個餐同兩款小食。餐廳主打越南 Phở，一場來到，當然唔可以錯過。選了綜合牛肉粉 ($52)，湯粉份量頗大，有生牛肉、牛腩片和牛丸，就算是男生來吃亦應該夠飽。先喝一口熱辣辣的牛湯，味道醇厚鮮甜，飲完滿嘴有牛骨香和香料芳香，兩者香氣平衡。牛肉肥瘦比例甚佳，有厚度，入口嫩滑無渣，而且食落仲帶點牛脂香。牛腩軟腍有肉味，而牛丸亦有咬口。河粉薄而滑，帶少少煙韌，吃到最後仍然彈牙。越式傳統街頭法包 ($46)：法包內夾滿了酸蘿蔔、青瓜、扎肉、豬肝醬及豬腿肉等，入口外香內軟，餡料清新
這天剛好要來灣仔，辦完正經事，就特意過去試下。餐廳門面好新淨，用上象徵海洋的蔚藍色為主調，配上白底黃字招牌，睇落好醒神。
由於來到時已過了繁忙時間，所以不用取票便可以直接入座。
原來店內裝潢亦好有特色，同樣以湖水藍色為主，再襯以金、銅兩色，觀感和諧，低調中滲出一份貴氣。原本諗住嚟食正餐，但入座後發現原來晚市仲未開始，只有下午茶餐供應，咁就一於改吃 Tea Set。我哋揀咗兩個餐同兩款小食。
餐廳主打越南 Phở，一場來到，當然唔可以錯過。選了綜合牛肉粉 ($52)，湯粉份量頗大，有生牛肉、牛腩片和牛丸，就算是男生來吃亦應該夠飽。先喝一口熱辣辣的牛湯，味道醇厚鮮甜，飲完滿嘴有牛骨香和香料芳香，兩者香氣平衡。
牛肉肥瘦比例甚佳，有厚度，入口嫩滑無渣，而且食落仲帶點牛脂香。牛腩軟腍有肉味，而牛丸亦有咬口。河粉薄而滑，帶少少煙韌，吃到最後仍然彈牙。
越式傳統街頭法包 ($46)：法包內夾滿了酸蘿蔔、青瓜、扎肉、豬肝醬及豬腿肉等，入口外香內軟，餡料清新，唯一美中不足就是外皮烘得不夠香脆，否則食味更佳。
小食點了蒜茸牛油雞翼 ($22) 同烤豬頸肉。雞翼熱辣辣上檯，大隻肥美，而且入口非常香脆，牛油蒜香撲鼻而來，正！
會安烤豬頸肉 ($38/半份)：豬頸肉薄切，分量不多，但燒得非常焦香，肉質帶嚼勁，配酸辣醬汁吃，惹味又解膩。
套餐包基本飲品，如果揀凍飲就要加 $3，特飲加 $10。揀左椰汁冰 (+$10) 同熱咸柑桔水，椰汁冰飲落有清甜嘅椰汁香味，而咸柑桔水味道亦唔錯，入口鹹鹹哋、帶甘涼，溫和潤喉。
今次小試牛刀，只係食左兩個下午茶餐，整體味道都唔錯，尤其是越南牛肉粉，正宗又好食，下次有機會再嚟試下其他菜式。
張貼
