越男仔 (已搬遷) 新店位置

來到旺角， 有少少想食越南食物就嚟咗呢間舖頭，一入到店舖，店舖面積不大，有兩位姐姐再幫手，兩位姐姐好好客。客人的流量轉得非常之快呀，應該都幾受歡迎， 有唔少人外賣。招牌越男仔海南雞飯配薑黃飯 - 海南雞飯好juicy，肥瘦適中，仲要係雞髀位置，肉質鮮嫩。飯嘅份量啱啱好，仲送一碗湯。蕃茄湯底春卷生牛肉麵 - 蕃茄湯底好濃郁配上生牛肉份量不少， 面嘅軟硬度適中，不會太硬。春卷好可口， 炸到 剛剛好。越南仔四色檬紙卷 （海膽+三文魚+牛炸醬+手撕雞) 海膽三文魚好新鮮，食咗三文魚同埋牛炸醬覺得牛炸醬更加惹味。香茅脆雞-新鮮炸出嚟，雞件很大件，炸到岩岩好。本來想叫芝士多士，但係因為友人不食芝士，唯有下次嚟先試。