影片
更多
2025-04-10
274 瀏覽
中環街市一向好多特式外賣店，雖然今日開會開到無時間坐低食lunch，但都想食好D，行上一樓，見到有間新開幕既「越包兄弟」，同同事商量後，決定打幾個返公司開心share。越式法包，材料超級丰富，每款都有清爽醃蘿蔔、葱、黄瓜、芫荽、肝醬，仲有秘製醬汁。肉類有燒肉、叉燒、照燒雞同鴨胸，如果拿不定主意，可以叫「乜都有」，咁就所有肉都有。今次我哋點咗「乜都有」、照燒雞同叉燒，肉類入味，特別係叉燒，味道甜而不膩，照燒雞就啱啱好，唔會太鹹。醃蘿蔔同埋蔬菜配搭得好好，食落去清新又有口感。餐廳由２個年輕哥哥主理，點餐嘅時候都好有耐性，有問有答。除左越包好食，同事都大讚杯越南咖啡好飲，完全冇苦澀味，反而有種濃郁嘅咖啡香。如果你想快速食好嘢，「越包兄弟」絕對係一個唔錯嘅選擇！
越式法包，材料超級丰富，每款都有清爽醃蘿蔔、葱、黄瓜、芫荽、肝醬，仲有秘製醬汁。肉類有燒肉、叉燒、照燒雞同鴨胸，如果拿不定主意，可以叫「乜都有」，咁就所有肉都有。今次我哋點咗「乜都有」、照燒雞同叉燒，肉類入味，特別係叉燒，味道甜而不膩，照燒雞就啱啱好，唔會太鹹。醃蘿蔔同埋蔬菜配搭得好好，食落去清新又有口感。
餐廳由２個年輕哥哥主理，點餐嘅時候都好有耐性，有問有答。除左越包好食，同事都大讚杯越南咖啡好飲，完全冇苦澀味，反而有種濃郁嘅咖啡香。
如果你想快速食好嘢，「越包兄弟」絕對係一個唔錯嘅選擇！
張貼
