媽咪雞蛋仔

營業中

休息中

食過下午茶，到了晚飯時段還不覺餓，決定去食下小食當晚餐算了。轉了一圈，是晚就食雞蛋仔吧，好耐無食好掛住呢款香港特式小吃，哈哈。任何時間黎都係咁多人等嘅媽咪雞蛋仔個餐牌長到呢～款式太多，諗左好耐揀咩口味好。自己要左雞蛋仔再加飲品，套餐價飲品減四蚊，呢杯奶茶紅豆，奶茶都幾好飲喎，微甜合口味，紅豆不是太淋好有咬口，都幾多豆添。朋友揀左牛油果朱古力口味，季節限定就係有種魔力去點，哈哈。入面係一粒粒嘅牛油果同朱古力，好特別嘅口味，得意得黎又幾好味。自己揀左芝士口味，不竟諗住當晚餐，好似揀鹹食會好啲？好香脆！中間充滿芝士嘅鹹香，芝士控表示滿意！苦惱揀芝士定鹹蛋黃好，兩樣都好想試，哈哈，芝士完全無失望喎，下次試埋鹹蛋黃先，正。