2派克雞排

營業中

休息中

好耐無去台北，特別懷念當地嘅夜市，尤其係嗰塊成塊面咁大嘅炸雞排，今日黎到紅磡，突然間聞到好香嘅炸物味，抬頭一望就見到呢間炸雞排店，咁又點可以唔試下呢？除咗炸雞排之外，餐廳仲有好多款唔同嘅炸物，仲有八款調味粉可以揀，每款炸物可以揀一至兩款，咁就可以配搭出自己喜歡嘅口味啦。脆皮無骨雞排 :雞排即叫即炸，拎上手時真係有d辣手，雞排有成隻手掌咁大塊，外皮炸得香脆，內裡雞排仍然鮮嫩多汁，小辣嘅雞排食落好惹味。甜薯地瓜條 :一份份量都幾多，全部都係粗切，入口熱辣辣，好似食緊燴蕃薯咁，店員推薦我揀梅子味，令甜甜嘅蕃薯條有微微嘅酸味，感覺更特別。脆皮百頁豆腐 :一份有六件，揀咗海苔味調味粉，食落外脆內軟，入口好juicy，海苔味清清地，唔會搶過百頁豆腐嘅味道。