影片
更多
2022-01-27
656 瀏覽
超～人氣餐廳！每次都比餐廳外長長嘅人龍嚇窒，撞正無比得閒嘅晚上先的起心肝黎試試。.❝黃金忌廉蟹肉意大利粉❞ $116鹹蛋黃用料大方，足夠撈勻全份意大利粉，而且味道突出，反而忌廉味偏淡。蟹肉份量適中，味道有少少比鹹蛋黃掩蓋咗。不得不提餐點嘅賣相十分討好，除咗擺盤美觀之外仲附上大大隻蟹殻。.酥餅條可以沾少少醬汁一齊享用，味道同口感都好新奇。另外面頭有少少似泰國風味嘅葉做點綴，為餐點加添特色。.點選意大利粉可免費配一杯黑糖薑母茶或檸檬蜜，再+$25就可以加配蛋糕一件，今次揀選咗芒果青檸乳酪蛋糕同焦糖燉蛋配瑪德蓮蛋糕。.❝芒果青檸乳酪蛋糕❞ +$25芒果形狀可愛又治癒，圓碌碌嘅鮮黃色蛋糕睇落真係好似一隻完美嘅芒果hahaha～蛋糕內層係musse配海綿蛋糕，夾層有些少芒果粒，唔會過甜，食得出青檸味帶黎嘅清新，適合食得太飽但又想食甜品嘅人類。.❝ 焦糖燉蛋配瑪德蓮蛋糕❞ +$25身為一個焦糖燉蛋狂熱分子（即係誇張到即使法國有無數咁多吸引嘅甜品，每次到訪法國嘅每一餐都堅持要以焦糖燉蛋作結，甚至係西班牙旅行而下一站就係法國，都依然忍唔住係一個完全同焦糖燉蛋無關嘅國家食焦糖燉蛋嘅個種奇怪人類），今日試
.
❝黃金忌廉蟹肉意大利粉❞ $116
鹹蛋黃用料大方，足夠撈勻全份意大利粉，而且味道突出，反而忌廉味偏淡。蟹肉份量適中，味道有少少比鹹蛋黃掩蓋咗。不得不提餐點嘅賣相十分討好，除咗擺盤美觀之外仲附上大大隻蟹殻。
.
酥餅條可以沾少少醬汁一齊享用，味道同口感都好新奇。另外面頭有少少似泰國風味嘅葉做點綴，為餐點加添特色。
.
點選意大利粉可免費配一杯黑糖薑母茶或檸檬蜜，再+$25就可以加配蛋糕一件，今次揀選咗芒果青檸乳酪蛋糕同焦糖燉蛋配瑪德蓮蛋糕。
.
❝芒果青檸乳酪蛋糕❞ +$25
芒果形狀可愛又治癒，圓碌碌嘅鮮黃色蛋糕睇落真係好似一隻完美嘅芒果hahaha～蛋糕內層係musse配海綿蛋糕，夾層有些少芒果粒，唔會過甜，食得出青檸味帶黎嘅清新，適合食得太飽但又想食甜品嘅人類。
.
❝ 焦糖燉蛋配瑪德蓮蛋糕❞ +$25
身為一個焦糖燉蛋狂熱分子（即係誇張到即使法國有無數咁多吸引嘅甜品，每次到訪法國嘅每一餐都堅持要以焦糖燉蛋作結，甚至係西班牙旅行而下一站就係法國，都依然忍唔住係一個完全同焦糖燉蛋無關嘅國家食焦糖燉蛋嘅個種奇怪人類），今日試到依個焦糖燉蛋，係香港day-to-day會到訪嘅餐廳黎講非常非常高質！
入口滑嫩，質地剛好係固體同流質中間，蛋味濃郁，同忌廉比例完美平衡，唔會比雲尼拿籽搶風頭，亦唔會過甜。表面焦糖嘅味道係屬於易入口嘅，唔似係法國食到個種微苦口味。一脆一嫩﹑一凍一熱，口感教人滿足。瑪德蓮蛋糕口感鬆化，味道剛好，同焦糖燉蛋一齊享用都係一個唔錯嘅配襯。
.
❝用餐提示❞
每日都總會大排長龍嘅餐廳，而且餐廳不接受booking，所以建議大家想黎用餐嘅話就盡量避開繁忙時間﹑或者預早少少黎排隊。到訪當日係平日8pm前後，大概都要等候40分鐘先可以入座，而且由點餐到上菜都要預翻25分鐘。
.
餐廳有幾張係二人同行要並肩而坐嘅矮bar枱﹑亦有幾張係排隊嘅人類係正隔離﹑容易令人眼甘甘咁望住枱上餐點﹑食得尷尬嘅四人枱，其餘都係坐得舒服﹑寬敞嘅座位。餐廳設計裝潢都帶些少森林色系，餐具可愛精緻。
.
𝐭𝐨𝐝𝐚𝐲’𝐬 𝐨𝐫𝐝𝐞𝐫
黃金忌廉蟹肉意大利粉 ($116) & 芒果青檸乳酪蛋糕 (+$25) & 焦糖燉蛋配瑪德蓮蛋糕 (+$25)
餐點味道 | SEE ABOVE
抵食指數 | ♥︎♥︎♥︎♥︎♥︎♥︎♥︎♥︎♡♡
店舖環境 | ♥︎♥︎♥︎♥︎♥︎♥︎♥︎♡♡♡
用餐體驗 | ♥︎♥︎♥︎♥︎♥︎♥︎♥︎♡♡♡
推薦程度 | ♥︎♥︎♥︎♥︎♥︎♥︎♥︎♥︎♡♡
適合場景 | 唔怕排隊嘅朋友﹑家庭聚餐
張貼
