荳子 (新城市中央廣場)

營業中

休息中

荳子的下午茶選擇真是超值！我點了蕉糖香蕉班戟，薄薄的班戟外皮輕盈柔軟，裡面包裹著香甜的香蕉和濃郁的蕉糖醬，口感層次豐富。每一口都讓人感受到香蕉的自然甜味，搭配微微的焦香，還有雲呢拿雪糕搭配Lotus餅，這組合真是完美！雲呢拿雪糕口感滑順，香氣濃郁，與Lotus餅的香脆相得益彰。每一口都能感受到餅乾的焦糖風味，搭配雪糕的清甜，讓人回味無窮。這份下午茶不僅價格實惠，還能帶來愉悅的味覺享受，絕對值得一試！

係沙田買完傢俬，順便就來咗呢一間連鎖cafe享用返個early dinner ！呢度環境幾舒適，又夠大。一入門口店員好nice叫我地用不同香氣嘅消毒噴噴捽手，唔講以為入咗香薰店。由於當時仲早，6:30未到，店員都好nice比左張四人卡位我地兩個女仔坐，冇西面冇唔比真係好加分。食物種類好多，輕食，意粉，扒，pizza 乜都有。我要咗份牛，朋友食意粉。overall 食物質素中上，價錢都係正路cafe 價錢。呢幾樣都唔係我推介之重點，重點係呢到嘅客人係生日月有cake送，剛好朋友係本月壽，我地就試下個優惠！個cake有好幾款選擇，單點都要$41， 起初我以為送d平cake 啦，點知免費嘢都可以咁大件同精美！有晒生日message , 蠟燭呀生日卡都有，兼送多支維他命飲品！今時今日經濟唔好，餐廳都咁有心，好抵讚！

Egg Benedict真係無得彈！一篤穿隻水波蛋，啲蛋汁即刻湧出嚟，同自家製English muffin同煙三文魚完美融合，荷蘭醬酸甜度啱啱好，食落去又rich又唔膩。最驚喜係伴碟嘅番薯條——外脆內軟，仲要係紫心同黃心番薯mix，甜到漏油，仲有啲肉桂香，食到停唔到口！ 飲品必試佢哋嘅「橙香咖啡」，新鮮橙皮油撞上深焙咖啡豆，第一啖係清新柑橘香，飲落去又有朱古力嘅回甘，同個Egg Benedict夾到絕！老闆仲好好傾，話佢朝朝早親自去街市揀番薯，難怪咁好味啦！ 陽光曬住木枱，人均兩舊水就食到咁高質嘅brunch，真係抵到爛！下個禮拜一定要再嚟試埋佢哋嘅莓果pancake

Enjoyed dinner with frd, each of us ordered a set dinner (a main with free drink). You can also add price for the snack. We ordered a seafood pizza (千島醬蟹棒蟹籽帆立貝薄餅) and crab spaghetti (黃金蟹肉意大利粉). My frd highly recommended the crab spaghetti. It tastes so rich. Very creamy~A whole crab in the side which is very eye catching. As for the pizza, lots of cheese on top. Ok crispy, and I prefer more toppings😂😂Both are yum.For the snack, we chose a truffle fries (黑松露醬薯條). I like the truffle mayonnaise🤎🤎🤎T

【一試難忘😋創意Fusion美食記🎂】 濃郁多汁手撕豬漢堡！燒烤醬搭香甜焦糖洋蔥，配粗薯與沙律，佐以特調熱檸蜜平衡味蕾，份量十足得連男生也滿足！ 驚喜之作「珍珠元貝大澳蝦醬忌廉燴沾麵」堪稱東西合璧典範，日式沾麵裹上香港大澳蝦醬，蝦醬如東方芝士般鹹鮮香濃細滑，配上新鮮軟滑元貝，創新程度令味蕾大滿足！店家將傳統蝦醬精煉成細滑版，鹹鮮香濃滑後勁沖擊味蕾。 入舖前睇下餐牌先知餐廳暗藏生日優惠彩蛋！快約鍾意食既朋友再來場顛覆想像的味覺之旅。從漢堡包的豪邁到沾麵的優雅，用創意重新定義香港情懷，每道菜都是驚嘆號！

9/3/2025📍Beans呢間連鎖Cafe都開咗好多年 呢日行完HomeSquare懶得出去搵嘢食 近近地揀咗呢間喺商場入面嘅分店 晚市都唔多人嚟食 所以出餐都幾快⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨開心果pizza（$102）加$8要焦糖芝士 因為唔知係咩嚟😂原來都冇咩特別 係好淡嘅芝士味 不過好脆口 有啲口感Pizza表面鋪滿開心果醬同焦糖芝士 再淋埋蜜糖 鹹鹹甜甜咁 開心果同芝士味幾明顯 味道都幾夾 😋但個餅底做得麻麻哋 係薄批但一啲都唔脆🫠✨焦糖番薯條（跟餐價 $30）份量都唔少 炸到外脆內軟 番薯薯條本身就夠甜 表面淋咗啲糖漿 再點少少茄汁 真係好正😽✨醬燒豬肋骨（$218）豬肋骨唔夠腍 唔多爛 啲骨肉分離唔到 食落差咗啲油香 但調味唔錯 伴碟仲有沙律同薯蓉添😍✨卷.山政小山園（跟餐價 $30）整體抹茶味足夠 蛋糕濕潤 cream好香但唔heavy 入面仲有啲紅豆🥰✨焦糖脆餅流心吐司.雲尼拿雪糕（$82）相比之下 呢樣甜度高好多 麵包焗到好脆 中間係焦糖流心 面頭有層焗過嘅棉花糖同lotus餅 咬落脆脆哋用麵包點雪糕 再加埋淋面嘅焦糖醬同棉花糖 係甜咗少少 但都好食嘅👌

自從beans變左連鎖店之後都好耐無堂食過，今次帶埋狗狗去，就係貪佢室外位就係商場寵物友善設施既位置，狗狗可以坐吓又玩吓咁🐶當日天氣都幾凍，職員主動offer暖水俾我地幾細心.用手機落單，發現每樣食物都好多野可以customise😂要禁勁耐先至落到單.✨豪華英式早餐✨同以前食既all day breakfast一樣味道，完全無變，佢個窩夫都係咁軟綿綿，keep到水準✨手撕豬漢堡✨貪得意轉左做車輪牛角但有點後悔，因為同個手撕豬唔係好夾🐽而手撕豬味道偏甜，主要都係茄汁味，反而薯茸又幾好食✨阿薩姆紅茶卷蛋✨好乾既卷蛋，cream亦都唔夠滑，感覺雪得太耐，無咩必要就唔好點✨熱焦糖燉蛋拿鐵、熱檸蜜

我哋4個人坐低，枱上只有一本menu。我uncle見到隔離空枱於是攞嗰度嗰本嚟睇，點知有個（好瘦嘅）女侍應喝住佢同佢講：「你唔好攞呀！搞亂晒！你要多一本Menu我去攞俾你！」態度非常惡劣黑面藐嘴！咁樣對老人家真係非常衰格！我哋有一杯飲品好耐未到於是想跟一位男侍應反映，佢又係好惡咁同我哋講：「等陣！」然後轉頭走咗去做另一啲嘢無理過我哋。啲嘢食當然就好一般啦！真係唔知間嘢搞乜，以前冇咁差嘅。我哋以後都唔會再去！

跟朋友逛完宜家傢俬，去在旁的荳子吃晚餐。這個位置相對偏僻，朋友沒提我也沒發現。在門外等了數分鐘安排入座。由於我們只需要一個空間坐下邊吃邊聊，所以被安排到面向牆的位置也沒所謂（這種座位較適合獨自用膳的飯友）朋友點了漢堡包薯條，我點了一份豬手。豬手份量比我想像中的大，吃不完有打包回家。皮炸得有點硬，肉質可以。當用刀切起來時，有點無從入手。總括而言，這個晚餐能夠慢慢吃，專心跟朋友聊天。

保持水準😊簡中都會黎食brunch, 機本上每次都叫all day breakfast 同蟹肉牛油果他他All day breakfast 都算大份，齊晒機本野，最鍾意嘅係waffle,新鮮熱辣，口感鬆軟又重蛋味,配埋whipping cream😋😋蟹肉牛油他他會跟埋sourdough, 加埋少少黑醋食👍🏻

我們於30/1（四）約晚上六點半左右到餐廳，都有不少客人。侍應先讓我們選一款香味酒精搓手液，好香同出奇地好long lasting（之後洗咗手都聞到😂)用QR code下單，點完侍應會同我們再confirm 1次。叫了3個主菜，包括飲品及2個甜品。①主菜❶牛舌粒蕃茄肉汁燴沾麵🍝（$128）：有8片牛舌粒，及有蘑菇粒🍄‍🟫、洋蔥碎🧅，而麵身較粗及煙煙韌韌。❷紅酒燉牛面頰意大利飯🍲（$132）：食落係重胡椒味，面頭有2塊大燉牛面頰，也有一些蘑菇粒🍄‍🟫及細牛肉粒。❸開心果馬蘇里拉芝士薄餅配蜂蜜🍯（$102）：pizza🍕上有不少開心果碎，餅底較硬，馬蘇里拉芝士🧀搭配得宜。②甜品❶酥皮泡芙.天仁茗茶鐵觀音朱古力吉士．馬斯卡彭芝士忌廉（+$30）：泡芙皮較硬，入面鐵觀音朱古力吉士的茶味好濃。❷日月潭阿薩姆紅茶海綿蛋糕.日月潭阿薩姆紅茶忌廉.日月潭阿薩姆紅茶寒天（+$30）：卷蛋cream好rich，而且好有茶味，寒天口感似jelly。③飲品❶美式咖啡☕️❷檸檬蜂蜜🍯：有2片檸檬片🍋❸黑糖姜母茶：有2片薑🫚，少辣，好啱冬天PS新年都幾多侍應，有一些在近門口位置一堆人談天😅，一些則在bar位置。有部

係好食嘅，即叫即撞，本來係好有誠意。點知原來要等好耐又唔講明。食完晒嘢，先叫佢上甜品。嗰一刻先至話我知，原來叫佢嗰一刻先至開始煲啲奶。要等五至10分鐘。點知等咗15分鐘都未嚟問佢可唔可以吹下，佢先至講磨薑汁機壞咗……結果等咗20分鐘，送到嚟仲要再等多5至10分鐘先至撞好。幾好食都扣晒分啦。

Supervisor & staff 服務態度勁差勁西 全程完全唔想serve人 好似得罪咗佢咁 食餐飯都要受氣cls 野食quality okay 但收得service charge 咁既服務態度真係好有問題

幾乎每次嚟宜家傢俬都會嚟食，食物水準一向都保持得好好。之前有段時間成日都要排晒隊，但係而家已經唔使再排隊， Walk in都可以食到。叫咗個德國脆豬手，豬手做得好好皮脆肉嫩，不過我最鍾意嘅係啲酸菜。配上芥辣汁真係一流！另一個係比目魚，不過不失，個份量比較細。兩個人食完之後都好似唔係好夠飽，所以再點多咗個Brownie 。希望個餐牌上面會有多啲無五辛素食選擇，因為平時同姑姑行完萬佛寺落嚟，都想食齋，如果可以支持便就更理想 。

過咗嚟home square 嘅beans 食晚飯，但完全失望。再食beans的話都係食返佢啲手撕豬仔骨漢堡穩陣啲…主食叫左紅酒牛面頰意大利飯，燒豬仔骨同埋Margherita(額外加焦糖芝士）最正常係哩個意大利飯，味道份量濃稠都係正常，牛面頰用叉按壓係會散嘅，牛味好少，係幾腍嘅，但肉嘅份量好少，而且都比較乾身燒豬仔骨就非常之乾(柴)x咬落去一啲汁都冇，個rib本身跟嘅汁都唔多，但份量好多，食晒成份有點吃力😥Margherita 嘅味道真係一額汗，成個pie得幾粒蕃茄，幾條切絲嘅蔬菜(幼到分唔到係乜嘢菜), 所以係完全冇蕃茄同羅勒嘅香味。另外佢Menu係有寫明個pizza係用羊芝士，所以嗰批都有啲酥味。個餅底都幾厚，但唔係焗到小燶香口口嗰種，成個批就好似食緊羊芝士包一樣。好彩自己額外有加到焦糖芝士，叫做有啲味道。另外我哋加咗芝士薯條，牛肉濃湯 ，龍蝦湯。芝士薯條-非常夠熱，味道正常牛肉濃湯-味道似係牛尾汁加壓碎嘅薯仔煮到結身龍蝦湯-酒味頗重，有少許蝦肉同海鮮甜品叫左：楊枝甘露蛋糕同焦糖拿破崙焦糖拿破崙-味道正常，但係應該已經放耐咗， cream表面已經結咗一層薄膜楊枝甘露蛋糕-味道正常