Venchi (新城市廣場一期)

營業中

休息中

如果你喜歡吃如膠似漆的雪糕，如果你喜歡吃IN IN UN UN的雪糕🍦，請勿來此店。呢間鋪頭啲雪糕對我來講十分天然！除咗裝潢非常靚之外，走入去就好似走入左一個朱古力世界！真係令人愛不釋手！其實自己成日都會買店裏面嘅＄100一袋已選好的朱古力，花款奇多，每個月都唔同，但係佢唔可以同會員同時使用，都係留返下次先講。今次講返我最鍾意食嘅雪糕🍦，已經食過六七隻味，其實我係買package，真係好抵好抵食！平均＄25一杯，個cone 係好脆同好香蛋味，平時唔食cone嘅我都會食晒! 拖左大家咁耐唔話俾大家聽我最鍾意食咩味⋯⋯依家開估啦！係無花果焦糖黑朱古力牛奶雪糕，真係真係冇得頂！又有無花果肉，又有黑朱古力味，焦糖亦唔會死甜，酸苦甜，拼得天衣無縫，呢隻味道唔係成日都有，喺期間限定！總之一句我真係好鍾意食！其實服務員（其實佢係朱古力專家）表演拉雪糕都幾好睇㗎！而家打算下星期再食下次有機會再介紹朱古力！