灃味館

營業中

休息中

餐廳服務質素相當高, 環境舒適, 光線充足, 走高質粵菜路線, 好enjoy呢一晚😋! 濃湯燉鮑翅 - 味道超濃郁, 大大件魚翅, 好足料! 雞湯味濃郁, 仲有一點漿口既感覺, 整體濃而不鹹。北海道珍寶帶子配牡丹蝦濃汁鴛鴦米 - 白飯煙煙韌韌, 有creamy既口感, 裡面有脆紅米以增添口感層次。北海道珍寶帶子大件又厚身, 口感彈牙, 鮮味十足! 🌟鮑汁扣原件花膠扒 - 必試! 一定要試呢度既花膠扒, 好好食🤤! 花膠好巨型, 適合2-3人分享。花膠有厚度, 炆得夠淋, 黏黏的, 富膠質, 鮑汁味又濃又鮮! 當紅炸子雞 - 色澤金黃, 雞隻皮脆肉嫩, 完全唔乾身, 入口帶有煙燻味。焦糖桃膠燉蛋 - 上面有菠蘿粒, 桃膠份量多, 有微煙韌既質感, 口感如蒟蒻, 好滑溜; 燉蛋甜甜的, 奶味香濃, 又唔會太甜。