輝

營業中

休息中

銅鑼灣呢間日本餐廳有多款壽司可以選擇，啲魚生非常新鮮，今次點咗幾款壽司，當中包括海膽、吞拿魚腩、松葉蟹肉配蟹膏、深海池魚、三文魚子壽司等。海膽唔會腥味，非常鮮甜，入口即溶，超好食。吞拿魚腩勁肥美，帶點油脂，好正。除咗刺身之外，呢度嘅熟食都唔錯，串燒即叫即燒，好惹味。仲有日本A5和牛他他都值得一試。食肉獸嘅我哋重點做和牛拌麵，A5和牛燒到好香。呢個炸豬扒都好正。最後仲飲咗碗鯛魚湯，奶白色嘅湯有鮮甜嘅魚香，好滿足啊。