影片
更多
2025-01-02
855 瀏覽
2024年最後幾日我地決定去食法國菜慶祝一下亦準備迎接2025🥳! 尼到堅尼地城呢間海景法國餐廳，氣氛好好又好溫暖嘅感覺，坐得都幾舒服😌~Baby Squid & Chorizo ($148)魷魚仔炒得好香好惹味，食落仲好juicy😆，仲配左西班牙肉腸都幾特別，但又唔會太鹹，而且入面份量都幾多架!😋Frog legs meuniere ($148)估唔到有田雞腿😯! 係香港都比較少見，仲要淨係腿位夠哂正，肉質都幾結實，煎過嘅田雞特別香口🤤。下面就有薯蓉，質感香滑好creamy。旁邊仲有田雞去做嘅湯，聽落有啲可怕但飲落似中式雞湯，都幾香濃🥰~Soupe de poisson ($98)馬賽魚湯我都好少飲，但真係有驚喜。湯嘅鮮味超香，好似飲緊海鮮湯，完全冇魚腥味🥘! 最頂仲有芝士配埋一齊味道更加豐富😋Chicken Rice ($988)呢個飯尼到真係嚇親我，餐廳介紹係佢地嘅signature🤩! 份量超大呀我諗夠4位食都得😂，飯上面放左原隻雞，每一件嘅肉質都好嫩好juicy，外皮仲有微脆架👏🏻👍🏼。而食食下我仲食到鵝肝，太暗都爭啲睇仍唔到😝，每粒都唔細架好足料，仲令到個飯更香層次仲豐富啲
Baby Squid & Chorizo ($148)
魷魚仔炒得好香好惹味，食落仲好juicy😆，仲配左西班牙肉腸都幾特別，但又唔會太鹹，而且入面份量都幾多架!😋
Frog legs meuniere ($148)
估唔到有田雞腿😯! 係香港都比較少見，仲要淨係腿位夠哂正，肉質都幾結實，煎過嘅田雞特別香口🤤。下面就有薯蓉，質感香滑好creamy。旁邊仲有田雞去做嘅湯，聽落有啲可怕但飲落似中式雞湯，都幾香濃🥰~
Soupe de poisson ($98)
馬賽魚湯我都好少飲，但真係有驚喜。湯嘅鮮味超香，好似飲緊海鮮湯，完全冇魚腥味🥘! 最頂仲有芝士配埋一齊味道更加豐富😋
Chicken Rice ($988)
呢個飯尼到真係嚇親我，餐廳介紹係佢地嘅signature🤩! 份量超大呀我諗夠4位食都得😂，飯上面放左原隻雞，每一件嘅肉質都好嫩好juicy，外皮仲有微脆架👏🏻👍🏼。而食食下我仲食到鵝肝，太暗都爭啲睇仍唔到😝，每粒都唔細架好足料，仲令到個飯更香層次仲豐富啲🤤! 至於飯粒配搭嘅醬汁都幾中式，唔會太濃平衡得好好，搞到我飽都仲食唔停🤭
Cream Brulee ($65)
甜品都好唔錯! 頂層嘅焦糖脆卜卜又唔會太厚太硬，下面嘅布甸就夠哂滑，亦好濃蛋同奶嘅味，質地好creamy超正!😚😋
Lemon Tart ($65)
食完咁多野食返個酸酸地嘅甜品解下膩都好😌，檸檬tart帶點微酸，食落都幾舒服，配搭雪糕又酸又甜都幾得意🍰
Mulled wine ($88)
每年聖誕我都會飲mulled wine，估唔到呢到都有🤩，味道好香濃飲得出好足料，好有聖誕氣氛🍷
Bellini cocktail ($98)
呢杯就好香桃味，酒味唔會好濃，似水果cocktail飲落好似果汁🍹😍，啱哂唔太飲得嘅朋友🥂
張貼
