宮崎肉本舖 (已結業)

宮崎肉本鋪@sugar+ 銅鑼灣最近同朋友去咗一間位於銅鑼灣嘅日本餐廳 - 宮崎肉本鋪，就喺糖街新既sugar+入面。呢間餐廳係專門供應九州A5和牛嘅，同時佢哋嘅環境同服務都係好一流👍🏻餐廳喺維園大球場附近，所以你可以飽覽到落地玻璃外嘅大球場風景，佢哋仲有好多半私人包廂，個包廂超高privacy，完全無需要擔心會有人打擾到。個環境舒適，裝潢日系，真係好適合一班朋友或者家人聚餐。食物我試咗佢哋嘅九州A5和牛鍋物，內有新鮮蔬菜、菇，同埋日式魚糕等。個和牛西冷真係極好味，肉質嫩滑，肥膩得剛剛好，入口即化咁，配埋鍋物嘅湯底，實在係太美味啦！肉嘅質量非常高，你可以食到牛肉嘅甜香！套餐仲包白飯、肉碎豆腐前菜、茶碗蒸、同埋麵豉湯。肉碎豆腐前菜好下飯，而茶碗蒸就清新滑口，清新既柚子sorbet 就為整個餐點劃上完美嘅句號😋