韓屋

星期六下午同呀媽出咗尖沙咀行街，呢日食久違嘅韓國菜🇰🇷。尖沙咀多韓國菜就係人都知，但並唔係間間都咁高人氣，我哋就揀選咗間要排隊嘅「韓屋」。店舖得廿個位左右，所以要排隊真係唔出奇。餐廳連餐具🥢🥄都好有地道韓國風味。我哋要咗湯、石鍋飯同餃子，全部均係比較傳統嘅韓國菜🤤。價錢中等啦，不過一人食一個主菜都夠飽。釜山豬肉湯($128)，豬肉湯用豬骨熬煮🦴，湯頭呈奶白色，入面有唔少熟🐷豬肉片、豬肚絲、洋蔥同韭菜。比較特別係搭配嘅大醬同鹹魚仔另上，鍾意食辣嘅可以加醬，想濃味啲嘅就可以加魚仔，但留意番魚仔就咁食真係好鹹㗎⚠️。由於我哋已經叫咗石鍋飯，所以無加配白飯或者蕎麥麵，其實湯飯真係好夾。炒豬肉石鍋芝士拌飯($128)，以前好流行嘅石鍋飯，而家已經變到唔係間間韓國餐廳都有得賣，可以説係久違嘅味道😋。石鍋飯記住要放一陣先撈，如果唔係無飯焦㗎🍚。石鍋飯有好多配料，好豐富，包括炒豬肉、紫菜、蘿蔔、翠玉瓜、菠菜同魚糕條等，加埋芝士特別正，有拉絲嘅效果同滋味🧀。辣醬亦係分開上，可以自行調節辣度。餃子王($15/隻)，本身想要龍蝦餃子，但暫未有供應，所以叫番蒸大餃子。🥟餃子好巨型，爆哂餡，用個迷你蒸籠上好別緻，