Cafe Zomato

營業中

休息中

好姊妹轉新工後活躍於上環一帶, 而我平時好少可到上環, 事關附近冇大型shopping mall, 而今日係假日, 街道上都很冷清, 但經過一間Café, 門口竟然出現人龍, 吸引我地馬上係門外望望menu, 果然款式吸引, 見咁岩lunch hour, 趁熱鬧就排隊幫襯。餐廳內面積細, 而人潮從未有減退, 人氣不斷!好姊妹係素食者, 都有選擇。黑松露蘑菇蛋麵:每條扁闊條麵平均沾上黑松露醬, 面層灑上Parmesan cheese, 熱力將芝士熔了,撈埋一齊, 非常creamy, 黑松露味同忌廉味濃郁, 蛋麵散發陣陣蛋香味, 配上鮑魚菇、栗子菇、靈芝菇, 啖啖有層次, 滿足。虎蝦帶子意大利飯:北海道刺身帶子表面雖然煎成焦啡色, 但中心位置依然keep到刺身質地, 鮮甜味十足, 虎蝦爽口; 意大利飯極之creamy, 每啖都充滿忌廉同埋蝦膏嘅甘香鮮甜, 令人一試愛上, 值得推介!飲品亦很有誠意, Peach Ice-Tea:桃味濃郁, 很有果香, 更有桃嘅果粒, 食到最尾, 味道都冇掉淡, 自家沖調很有誠意。