影片
更多
2023-11-11
43 瀏覽
⭐️Hakata Concepts (屯門)⭐️原來屯門都有Omakase，仲要係鐵板燒嘅，忍唔住約埋朋友一齊去試吓😆😆佢一入去會先喺個吧枱度飲杯餐前酒，但係因為我同朋友都唔飲酒，所以叫咗橙汁同可樂。感覺都好chil ~入到去食嘢都坐得好舒服，又可以見到靚仔廚師喺度整緊嘢食😍1️⃣沖繩水雲醋漬酸酸地，但又唔會有怪味，材料好爽口，夾埋魚籽好鮮味😋2️⃣半熟南韓蒸蛋依道菜好精緻，入面係流心蛋黃，配埋蟹肉同魚子。材料好簡單，但味道好夾，估佢唔到咁好食👍🏻3️⃣北海道帆立貝佢上面灑左d烏魚子，再用紫菜包住黎食，係意想不到既夾，而且燒得岩岩好，個帆立貝又好大隻，一啖係咬晒，真係超正！4️⃣甘鯛立鱗燒個面炸脆左嘅係魚鱗，而咬落去係好脆既魚皮面，再配搭好滑魚肉，佢哋仲有少少醬汁，淡淡地夾好夾個魚一齊食，面有少少花去襯托真係好靚🥰5️⃣沙巴虎蝦睇住廚師煮嘅時候已經好想食，因為佢好大隻，佢一隻蝦都可以切到三大嚿肉，就知道佢真係本身好大！蝦既口感好爽口，配埋佢係底既龍蝦汁，真係好夾，好好味🤤6️⃣法國鵝肝完全冇諗過法國鵝肝係可以配埋白蘿蔔一齊食，係咁好味。鵝肝本身係比較肥美，配埋白蘿蔔清一清成件事好完美，佢個白蘿蔔亦都好入味，好正👍
⭐️Hakata Concepts (屯門)⭐️
原來屯門都有Omakase，仲要係鐵板燒嘅，忍唔住約埋朋友一齊去試吓😆😆佢一入去會先喺個吧枱度飲杯餐前酒，但係因為我同朋友都唔飲酒，所以叫咗橙汁同可樂。感覺都好chil ~入到去食嘢都坐得好舒服，又可以見到靚仔廚師喺度整緊嘢食😍
1️⃣沖繩水雲醋漬
酸酸地，但又唔會有怪味，材料好爽口，夾埋魚籽好鮮味😋
2️⃣半熟南韓蒸蛋
依道菜好精緻，入面係流心蛋黃，配埋蟹肉同魚子。材料好簡單，但味道好夾，估佢唔到咁好食👍🏻
3️⃣北海道帆立貝
佢上面灑左d烏魚子，再用紫菜包住黎食，係意想不到既夾，而且燒得岩岩好，個帆立貝又好大隻，一啖係咬晒，真係超正！
4️⃣甘鯛立鱗燒
個面炸脆左嘅係魚鱗，而咬落去係好脆既魚皮面，再配搭好滑魚肉，佢哋仲有少少醬汁，淡淡地夾好夾個魚一齊食，面有少少花去襯托真係好靚🥰
5️⃣沙巴虎蝦
睇住廚師煮嘅時候已經好想食，因為佢好大隻，佢一隻蝦都可以切到三大嚿肉，就知道佢真係本身好大！蝦既口感好爽口，配埋佢係底既龍蝦汁，真係好夾，好好味🤤
6️⃣法國鵝肝
完全冇諗過法國鵝肝係可以配埋白蘿蔔一齊食，係咁好味。鵝肝本身係比較肥美，配埋白蘿蔔清一清成件事好完美，佢個白蘿蔔亦都好入味，好正👍🏻
7️⃣千歲和牛
佢既和牛好滋味，入口即溶，亦好香口，煮得啱啱好又唔會好韌。佢嘅半碟都好出色，
佢嘅蕃茄仔，本身我都唔係太鍾意食蕃茄仔。但係佢有少少烤左先上碟，而且佢好甜，好多汁🤤
8️⃣麵豉湯
食咗咁多嘢，有個麵豉湯清一清，濕一濕個口都幾貼心😆
9️⃣櫻花蝦炒飯
唔好以為呢個炒飯好似好細碗，但食落去原來個份量都幾多，，廚師佢炒到金黃色真係好靚，口感又唔會好乾好濕，櫻花蝦落去真係好香好正😋
🔟焦糖多士
初初唔知道點解廚師要攞啲麵包出嚟，原來係整甜品。甜品佢用咗砂糖同埋牛油，煮溶咗啲砂糖之後就沾上喺塊包度烤到乾身。估唔到咁簡單嘅材料，就可以整到一個咁脆口，香甜嘅甜品🤤
呢間餐廳除咗嘢食好食，佢哋嘅服務員亦都好好客同親和。佢地見我地無飲餐前飲，就用神石榴整左杯輕量既酒比我地，超易入口，同都好好味😋飲左都唔會見wing👍🏻
價錢、食物、服務、同埋環境既性價比好合理，推介！👍🏻👍🏻👍🏻
整體分數：⭐️⭐️⭐️⭐️⭐️⭐️⭐️⭐️⭐️
地址：屯門青山公路1號黃金海岸商場1樓25A-C號舖
張貼
