INN - I’m Not Nothing

營業中

休息中

今次同朋友去咗長沙灣呢間 INN I’m Not Nothing，入到去已經好有驚喜，裝修係白色歐陸風，吊燈同幾何畫裝飾超好打卡📸，氣氛好舒服，坐低就唔想走。🥗 凱撒沙律 + 煙三文魚一開始先叫咗個沙律，啲羅馬生菜新鮮爽脆，帶住少少冰凍口感，配埋凱撒醬好開胃，煙三文魚切成花型擺中間，好靚又夠鹹香，配埋香脆麵包粒一齊食層次好豐富😋。🥖 意式蕃茄芝士法包三件迷你法包上枱就聞到香草味，面頭有番茄同溶化芝士🧀，咬落去啲麵包邊脆，中間仲係軟熟，鹹香得嚟又唔會膩。每件都有啲青菜點綴，擺盤好用心。🍝 慢煮雞胸牛肝菌汁手工捲粉呢個係我今日最鍾意😍！雞胸肉切得厚厚片，煮得啱啱好夠嫩滑，唔會鞋口。底下啲手工撻粉有口感，軟熟得黎帶啲煙韌，啲牛肝菌汁超香濃，好Creamy但唔會過油，捲捲粉吸晒啲汁真係好好食🍹 鮮果茉打冰茶 + 西柚茉打冰茶飲品方面都唔輸蝕，兩杯冰茶都係超大杯，上面放咗薄荷葉同新鮮果片，影相勁靚🌸。茉打茶味清香，入面有啲果肉同冰粒，好適合夏天飲，清爽解膩。整體嚟講，呢度環境舒服，啲野食擺盤靚又有質素，性價比OK，係間會想再回訪嘅Cafe。