西貢街頭越南牛肉粉

營業中

休息中

尋日，同朋友去左灣仔太原街買嘢，之後就同佢行左去食越南嘢，西貢街頭門面睇落似貴嘢，但其實同x棧個啲差唔多，所以其實都可接受。我地見佢叫越南牛肉湯粉，所以相信牛河都係其中一個主打，我地就揀左order一個生牛肉湯河，之後就揀左一個good good的香茅豬扒撈檬，同埋一個芒果軟殻解米紙卷。香茅豬扒撈檬好快就上枱了，塊香茅豬扒都幾大塊，檬粉量好多，配菜有蘿蔔絲、青瓜絲、生菜、花生碎、炸蒜片，加埋佢的酸辣汁味道都不錯，而且佢的汁唔係個啲超酸呀、超鹹呀、好魚露呀個種，所以就算加得多少少，都唔會話太濃味，同埋新年食呢啲撈檬，好有人地中菜食撈起的feel。而生牛肉河粉真係超正，一來佢真係好大碗，河粉量好多，二來佢牛肉都有四五塊，但係塊塊真係大大塊，所以都好多，湯底先係最正，佢好有牛味，但係又清清地，唔係個種超濃牛湯，唔會話太濃而搞到要係咁飲水，而且佢又唔係平時越南粉個種食來食去都係同一隻味的feel，味道啱啱好。至於芒果軟殻蟹米紙卷真係好正，軟殻蟹脆脆但又有蟹肉，而且米紙鹹鹹地，芒果甜甜地，軟殻蟹脆脆地，同埋蘿蔔和青瓜絲的爽脆和清新，幾層不同的口感，的確唔錯。